Ortalyq jáne Ońtústik Eýropany aptap ystyq sharpydy

<p>ASTANA. KAZINFORM &ndash; Eýropa álemniń basqa aımaqtaryna qaraǵanda shamamen eki ese jyldam qyzyp otyr, dep habarlaıdy <a href="https://ru.euronews.com/green/2024/07/11/europe-extreme-summer-heat" target="_blank" rel="noopener">Euronews</a>.</p>

Aptap ystyqtan Eýropanyń ortalyq jáne ońtústik aımaqtaryndaǵy aýanyń temperatýrasy 40 gradýsqa deıin kóterdi. Italııa, Rýmynııa jáne basqa elderde bılik kúnniń eń ystyq saǵattarynda abaı bolý, sýdy kóp ishý jáne syrtqa shyqpaý kerektigi eskertilýde. 

Beısenbide Italııa úkimeti jeti qalada, negizinen eldiń ortalyq aımaqtarynda, sondaı-aq el astanasy Rım men soltústik-shyǵystaǵy Trıestte kún raıyna baılanysty qaýiptiliktiń «qyzyl» dabyl deńgeıin jarııalady. Jylý ylǵaldylyq áserinen kúsheıip jatyr jáne deni saý, sondaı-aq densaýlyǵy nashar adamdarǵa da áser etýi múmkin, dep eskertti bılik.

Jazdyń aptap ystyǵy qalypty normadan erterek jáne rekordtyq temperatýra 13 aı qatarynan saqtalyp otyrǵanyna baılanysty keıbir sarapshylar bul Eýropadaǵy eń ystyq jaz bolýy múmkin dep oılaıdy.

Osyǵan uqsas eskertýler kórshiles Horvatııada, sondaı-aq eldiń shyǵysy men ońtústiginde shyǵaryldy. Horvatııanyń basty týrıstik kýrorty, Adrıat teńizindegi Ońtústik Dýbrovnık qalasynda tań atqanda aýanyń temperatýrasy Tselsıı boıynsha 28 gradýs boldy, bul kún batqan kezde jeńildik bolmaıtynyn kórsetip otyr. 

Osy aptada Albanııadaǵy Grekııa shekarasyna jaqyn jerde, sondaı-aq Bosnııa men Italııada orman órti tirkeldi. Beısenbide Grekııanyń ońtústigindegi Korınf aýdanynda jáne Egeı teńizindegi Shyǵys Lesbos aralynda birneshe órt boldy.

Sársenbide Chehııa astanasy Pragada aýanyń temperatýrasy 34 gradýsqa jetip, beısenbide azdap tómendedi. Qalalyq haıýanattar baǵynyń qyzmetkerleri janýarlarǵa joǵary temperatýra jaǵdaıynda jeńil bolý úshin on tonna muzdy paıdalandy. Muz haıýanattar baǵynyń ár jerine qoıylyp, janýarlar panalaıtyn salqyn jerler jasaldy. 

Seısenbi men sársenbide Rýmynııa astanasy Býharestte kóshedegi termometr baǵanalary 42 gradýsty kórsetti, degenmen resmı kórsetkishter birneshe gradýs tómen bolǵan.

Kórshiles Serbııa osy jazda rekordtyq temperatýra týraly habarlady: beısenbi kúni tańerteń eldiń soltústiginde termometr baǵanasy 35S-qa deıin jetti.