Ortalyq saılaý komıssııasynyń jańa 2 múshesi taǵaıyndaldy

<p>ASTANA. KAZINFORM - QR Ortalyq saılaý komıssııasynyń otyrysy ótti. Oǵan beınekonferents baılanys rejıminde oblystardyń, Astana, Almaty jáne Shymkent qalalarynyń aýmaqtyq saılaý komıssııalarynyń tóraǵalary men músheleri qatysty. Bul týraly OSK baspasóz qyzmeti habarlady.</p>

OSK Tóraǵasy Nurlan Ábdirov Memleket basshysynyń Jarlyǵymen Azamat Aımanaqumov pen Mıhaıl Bortnık Ortalyq saılaý komıssııasynyń músheleri, Lázzat Súıindik QR Parlamenti Senatynyń qaýlysymen OSK múshesi bolyp taǵaıyndalǵanyn atap ótti.

Ortalyq saılaý komıssııasynyń otyrysy barysynda tóraǵanyń orynbasary jáne hatshy saılandy. Komıssııanyń biraýyzdan qabyldaǵan sheshimimen OSK tóraǵasynyń orynbasary bolyp Muhtar Erman, al hatshy bolyp Shavhat Ótemisov saılandy.

OSK Tóraǵasy OSK músheleri jumysynyń negizgi baǵyttaryn jáne olar jetekshilik etetin qyzmet salalaryn belgiledi.

Sondaı-aq, óńirlerden máslıhattardyń shyǵyp qalǵan depýtattarynyń ornyna saılaýdy ótkizýdiń aǵymdaǵy máseleleri talqylandy.