Ortalyq Azııanyń týrıstik brendi joq, sony jasaıtyn ýaqyt keldi – sarapshy

<p>Týrızm salasynyń sarapshylary Almatyda Ortalyq Azııadaǵy týrızmdi halyqaralyq trendterge saı damytý máselesin talqylady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Ókinishke qaraı, Ortalyq Azııadaǵy týrızmniń álemde ózindik oıyp alar orny joq. Bizge týrıster Eýropaǵa barǵandaı kelmeıdi. Nege? Sebebi, týrısterdi bir ǵana el qyzyqtyrmaıdy. Olar birden birneshe memleketti aralap kórgisi keledi. Sondyqtan, Ortalyq Azııada ornalasqan bes memleketti (Qazaqstan, Ózbekstan, Qyrǵyzstan, Tájikstan jáne Túrkimenstan) týrızm salasy boıynsha aımaqtandyrý qajet. Bul — búginde kezek kúttirmeıtin másele», — deıdi týrızm salasynyń sarapshysy Maqsat Chakı.

Spıkerdiń sózinshe, bes memleketti biriktiretin bir ortalyq qurylsa, týrızm jyldam damıdy.

«Ortalyq Azııadaǵy týrızm ortalyǵyn Almatyda qurý kerek dep oılaımyn. Oǵan iri megapolıstiń áleýeti joǵary. Biz birigetin bolsaq, álemdik deńgeıge kóterile alamyz. Týrızm — kóptegen elde mańyzdy sala. Ortalyq Azııada ol áli de kenjelep tur. Eger qazirgideı ár memleket týrızmdi ózinshe damytamyn dese, qatelesedi. Sheteldik týrısterdiń nazaryn ózimizge aýdarý úshin birigip kúsh jumsaýymyz kerek», — deıdi sarapshy.

Sonymen qatar, ol vızalyq rejımdi jeńildetý máselesine erekshe nazar aýdardy.

«Bizge de shengen vızasyn engizý qajet. Bul, álbette, Úkimette qaralatyn dúnıe. Mysaly, ony Stan, Jibek joly vızasy dep ataýǵa bolady. Qazaqstanǵa kelgen sheteldik týrıst esh kedergisiz Qyrǵyzstanǵa, odan ári Ózbekstanǵa ótip ketýi kerek. Mine, sol kezde týrızmnen mol tabys túsedi», -deıdi spıker.

Týrızmniń strategııalyq sarapshysy brend jaıynda da sóz qozǵady.

«Ár eldiń ózine tán brendi bar. Sol sııaqty Ortalyq Azııanyń da brendi bolýy kerek. Biz Almatynyń brendin qalyptastyrmaqpyz. Biraq, onyń jemis bolmaıtyny anyq. Qazir mamandar usynys aıtyp jatyr, jan-jaqty zerdelený ústinde. Ýaqyty kelgende aıtarmyz», -dedi qyrǵyzstandyq sarapshy.