Ortalyq Azııanyń qaı elderinde aýa sapasy joǵary deńgeıde lastanǵan

<p>TAShKENT. KAZINFORM &ndash; Ózbekstan astanasynda &laquo;Ortalyq Azııada aýasy taza bolashaq qurý&raquo; atty joǵary deńgeıdegi alǵashqy saıası aımaqtyq semınar ótti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Atalǵan is-sharany Ózbekstannyń ekologııa mınıstrligi, Dúnıejúzilik bank jáne BUU-nyń Qorshaǵan ortany qorǵaý baǵdarlamasy birlesip uıymdastyrdy. Bul talqylaý, tájirıbe almasý alańyna 5 eldiń memlekettik organdarynyń ókilderi men beldi halqaralyq ekologtar qatysty.

Foto: Álıhan Asqar/Kazinform

Іs-sharada Qazaqstannan kelgen delegattar da tóbe kórsetti. Atap aıtqanda, Ekologııa jáne tabıǵı resýrstar mınıstrligi men «Qazgıdromet» mekemesiniń mamandary aýa sapasyn jaqsartý boıynsha oılaryn ortaǵa saldy.

Qatysýshylar Qazaqstanda jańa ekologııalyq kodeks qabyldanǵanyn jáne onyń aıasynda avtomattandyrylǵan monıtorıng júıesin qurýǵa den qoıylǵanyn atap ótti. Bul is halyqaralyq uıymdar tarapynan joǵary baǵalanǵan.

Foto: Álıhan Asqar/Kazinform

«Bul semınarǵa qatysýdaǵy maqsatymyz – ózimizdiń osy baǵyttaǵy jumysymyzdy kórsetip qana qoımaı, halyqaralyq deńgeıdegi ozyq tájirıbelerdi bilý. Bul baǵytta bizdiń memlekette de kóptegen jumystar atqarylyp jatyr», - dedi QR Ekologııa jáne tabıǵı resýrstar mınıstrligi komıtetiniń bas sarapshysy Dana Aǵybaeva.

Mamandardyń paıymyna saı, Ortalyq Azııa elderi arasynda aýasy joǵary deńgeıde lastanǵan memleketter - Ózbekstan men Tájikstan. Degenmen ónerkásiptiń damýy esebinen mundaı másele ózge de kórshiles memleketterde ózekti bola bastady. Sondyqtan aýa sapasyn baqylaýǵa jaýapty mekemeler, onyń ishinde gıdrometeorologııalyq organdar tájirıbe almasýǵa nıetti. Bul baǵytta Qazaqstan kórshiles memlekettermen birlesip tyń tehnologııalardy engizýge basymdyq bermek.