Ortalyq Azııanyń eń qymbat qalalary anyqtaldy
17:15, 29 Qańtar 2024
<p>ASTANA. KAZINFORM – 2024 jyldyń alǵashqy aıyndaǵy derekter boıynsha Numbeo reıtıngisinde Almaty Ortalyq Azııadaǵy «eń qymbat qala» mártebesin ıelendi.</p>
Numbeo reıtıngisi 2009 jyldan beri júrgizilip keledi. Reıtıngter jalǵa beriletin turǵyn úı baǵasy, azyq-túlik, qoǵamdyq tamaqtandyrý baǵasy jáne basqa da faktorlardy eskere otyryp, paıdalanýshylardyń pikirleri negizinde qalyptasady.
2024 jyldyń qańtar aıy boıynsha Almaty Ortalyq Azııa qalalarynyń arasynda kósh bastap tur. Reıtıngte Astana ekinshi, al Tashkent pen Bishkek úshinshi jáne tórtinshi oryndarǵa jaıǵasqan.
Al jalpy Azııany alatyn bolsaq, Qazaqstannyń qalalary tek besinshi ondyqqa kiredi. Eń qymbat qala – Sıngapýr.