Ortalyq Azııanyń ekobelsendileri «COP29» konferentsııasyna daıyndalyp jatyr

<p>TAShKENT. KAZINFORM &ndash; Ortalyq Azııa elderiniń jas ekobelsendileri Ózbekstanda bas qosyp, aımaqtaǵa ekologııalyq máselelerdi ortaǵa salyp, olardyń sheshý jolyn talqylady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Aımaqta jas ekobelsendilerdiń qozǵalysy buǵan deıin bolmaǵan. Ózara ıntegratsııa endi jolǵa qoıylyp keledi. Ózbekstan úkimeti uıymdastyrǵan halyqaralyq ekologııalyq lager osy maqsatty kózdeıdi.

Foto: ÓR Ekologııa, qorshaǵan ortany qorǵaý jáne klımattyń ózgerýi mınıstrligi

«Halyqaralyq ekologııalyq lagerdi ekinshi jyl qatarynan uıymdastyryp kelemiz. Byltyrǵa qaraǵanda bıyl is-sharaǵa qatysýshylardyń geografııasy keńeıdi. Munyń bári jahandyq klımattyq ózgeris máselelerin retteýge baǵyttalǵan. Jastardyń oǵan qyzyǵýshylyǵy joǵary», - dedi Ózbektan ekologııa mınıstrliginiń basqarma basshysy Anvar Temırov.

Ortalyq Azııanyń tabıǵat qorǵaýshylar qozǵalysyna Túrkııa, Vengrııa jáne Ázerbaıjan jastary da qosylyp otyr. Sońǵysy bıyl klımattyq ózgeris sammıtin qabyldaıdy. Bakýde ótetin «COP29» konferentsııasyna ekobelsendiler qyzý daıyndyqqa kirisken. Olar ekosaýattylyqty arttyrýǵa baǵyttalǵan semınar-trenıngterge qatysyp, ortaq oı qalyptastyrýǵa den qoıǵan.

Foto: ÓR Ekologııa, qorshaǵan ortany qorǵaý jáne klımattyń ózgerýi mınıstrligi

«Sý tapshylyǵy jáne klımattyń ózgerýi sııaqty ózekti máselelerdi talqylaýǵa jınaldyq. Bizdiń jastar birigip, kooperatsııalyq top quryp, túıtkilderdiń sheshilýine atsalysýy kerek. Bolashaqta bul máselelerdi jahandyq deńgeıdegi klımattyq konferentsııada kóterýdi josparlap otyrmyz», - dep bólisti qazaqstandyq ekobelsendi Temirlan Bolat.

Foto: ÓR Ekologııa, qorshaǵan ortany qorǵaý jáne klımattyń ózgerýi mınıstrligi

Lager aıasynda qatysýshylar ekologııalyq jobalardy talqylap qana qoımaı, olardy ázirleý isine atsalysty. Sonymen qatar, jastar qorshaǵan ortany qoqystan tazartý ári qalalyq jerlerde qaldyqtardy suryptaýdyń mańyzdylyǵyn atap ótti.