Ortalyq Azııanyń «S5+1» formatyna Túrkııa da qosylmaqshy – serb dıplomaty

<p>Ázerbaıjan dıplomatııa akademııasynyń professory, BUU-nyń burynǵy joǵary laýazymdy dıplomaty Damıan Krnevıch-Mıshkovıch Astana Slub forýmynda Ortalyq Azııaǵa arnalǵan &laquo;S5+1&raquo; formaty óńirde óz múddesi bar dep esepteıtin memleketterdiń bárine tartymdy bola bastaǵanyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Men Ortalyq Azııa aımaǵyna saıası turǵyda keńirek aýqymmen qaraý kerek dep esepteımin. Ońtústik pen Soltústik, Shyǵys pen Batystaǵy saıası qubylystar arasyndaǵy dıalogta Ortalyq Azııanyń róli eleýli. S5+1 formatyndaǵy sammıtter kún tártibine shyǵyp otyr. Reseı, Úndistan, Qytaı osy formatta dıalog quryp keledi. Qazir Eýropa Odaǵy, onyń syrtynda Germanııa osy formatty paıdalana bastady. AQSh-tyń osyndaı formattaǵy dıalog alańy bar. Ondaı format jýyqta Túrkııanyń ózinde de paıda bolady. Bul formattaǵy dıalogtar kóptegen salada serpindi jobalarǵa jol asha bastady», — deıdi sarapshy.

Onyń oıynsha, pandemııa men álemdegi sońǵy geosaıası tartystar birtutas sıpattaǵy jahandyq ekonomıkany «panaımaqtarǵa» bólshekteı bastaǵan. «S5+1» formatymen dıalog usynýshylar ony óz «panaımaǵynyń» oıyn alańy retinde kórgisi keledi.

«Úndistan Azııadaǵy ózge eldermen baılanysyn qalaı kúsheıtip jatsa, Ortalyq Azııa elderimen de solaı qarym-qatynas ornatýǵa múddeli. 2021 jyly Tashkentte Úndistannyń osy óńirmen saýda baılanysyna arnalǵan jıyn ótti. Sol jıynda Ortalyq Azııanyń jahandyq ekonomıkalyq jáne saıası úderisterdegi rólin syrtqy oıynshylardyń qajetti deńgeıde eskermeı kelgeni alǵash ret moıyndaldy. Óńirdi bólip bıleýdi kózdeıtin geosaıası, ımperıalıstik ambıtsııa bolǵanyn eskerý kerek. Qazirgi qalyptasqan jaǵdaı turǵysynan qarasaq, syrtqy oıynshylardyń óńirge qatysty ustanymy ǵana emes, aımaqtaǵy elderdiń ózi ne oılaıtyny da mańyzdy», — dedi ol.