Ortalyq Azııadaǵy transshekaralyq ózenderdiń ekologııalyq jaǵdaıy zerdelenip jatyr

<p>TAShKENT. KAZINFORM &ndash; Germanııanyń &laquo;GIZ&raquo; halyqaralyq yntymaqtastyq qoǵamy klımattyq ahýaldy zerdeleý úshin Ortalyq Azııa elderine tájirıbelik kómek kórsetpek. Bul týraly Tashkentte ótken sarapshylar keńesinde málim boldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi. &nbsp;</p>

Aýqymdy jobaǵa Germanııa úkimeti tarapynan 10 mln eýro bólý josparlanǵan. Uıym taıaýda baǵdarlamany iske asyrýǵa kiristi. Onyń aıasynda 5 transshekaralyq ózenniń ekologııalyq ahýaly zerdelenip jatyr.

Foto: Álıhan Asqar/Kazinform

- Barlyq 5 memlekette jobamyz júzege asyp jatyr. Negizgi 3 baǵyt bar. Eń mańyzdysy - transshekaralyq ózenderdegi táýekelderdi baǵamdaý. Bul rette biz bir memleketten ázirge bir ǵana sý aıdynyn tańdap otyrmyz. Zertteý barysynda oǵan klımattyń qanshalyq áser etip jatqanyn jáne jergilikti halyqqa yqpaly qandaı ekenin anyqtaımyz. Tehnıkalyq baǵalaý júrgizdik. Endi keler jyly táýekelderdi azaıtý boıynsha naqty iske kirisemiz, - dedi «GIZ» klımattyq táýekelderdi basqarý óńirlik baǵdarlamasynyń basshysy Sergeı Makarov.

Uıym aımaqtaǵy sý jetispeýshiligi máselesine basa kóńil bólip otyr.

Foto: Álıhan Asqar/Kazinform

Mamandardyń aıtýynsha, bul baǵyttaǵy qandaı boljam bolsa da kóńil kónshitpeıdi. ıAǵnı, jyl saıyn sý kólemi azaıyp, tutynýshy sany artyp keledi.

- Qazir jıi qýańshylyq bolyp jatyr. Klımat ózgerip, keıde onyń sońy tipti sý tasqynyna ulasýda. Sondyqtan jaǵdaıǵa qaraı beıimdelýimiz kerek. «GIZ» uıymy uıymdastyrǵan semınarda túrli ádistemelerdi qarastyryp, tıimdisin anyqtaımyz, - dep toqtaldy QR Ekologııa jáne tabıǵı resýrstar mınıstrligine qarasty basqarmanyń bas sarapshysy Aıjan Mamedalıeva.

Halyqaralyq joba aıasynda bıyl alǵash ret 30 maman arnaıy kýrstan ótti. Olar ekonomıka salalaryn klımattyq ózgeriske, onyń ishinde sý tapshylyǵyna beıimdeý ádisterin meńgerip shyqty.

Foto: Álıhan Asqar/Kazinform

Aıta keteıik, «GIZ» zertteýine ilikken transshekaralyq 5 ózenniń biri - Shý. Sarapshylar sý aıdyny arnasynyń tarylyp bara jatqanyna alańdaýly.

- Jobaǵa Jambyl oblysynyń Shý aýdany tańdaldy. Ol jerdiń halqy negizinen aýyl sharýashylyǵymen aınalysady. Sýdyń azaıýyna baılanysty jergilikti klımat ózgerip jatyr. Endi sharýashylyqty soǵan saı beıimdep, sýdy únemdep paıdalaný tetikterin engizemiz. Keıin osy tájirıbe ózge de óńirlerde qoldanylady, - dep málim etti Qazaq sý sharýashylyǵy ǵylymı-zertteý ınstıtýtynyń aǵa ǵylymı qyzmetkeri Mırabıd Mırdadaev.