Ortalyq Azııadaǵy ınnovatsııa. «Kaspıı neft» QBTÝ-da strategııalyq mańyzdy aýdıtorııa ashty
Ashylý osy kúnderi QBTÝ-da ótip jatqan Energetıka jáne munaı berýdi arttyrý jónindegi birinshi halyqaralyq konferentsııa aıasynda ótti. Konferentsııada «Dástúrli energııaǵa qol jetkizý qabattardyń munaı óndirisin arttyrý. Jańa energetıkalyq tehnologııalardyń ilgerileýi» baǵdarlamasyna Katar, Qytaı, AQSh, Shvetsııa, Frantsııa jáne Qazaqstan spıkerleri qatysýda. Bul oqıǵa energetıka salasynyń qazirgi jaı-kúıin tereń túsinip qana qoımaı, onyń bolashaq baǵytyn naqty kórsetedi. Munda dástúrli energetıka salasyndaǵy qabattardyń munaı berýin arttyrýdyń mańyzdylyǵy men ınnovatsııalyq ádisteri, jańa energetıkalyq tehnologııalardyń perspektıvalary jáne energetıka sektorynyń turaqty damýyna yqpal etetin ozyq tehnologııalar qarastyrylady.
Qazaqstan-Brıtan tehnıkalyq ýnıversıtetiniń rektory Maratbek Ǵabdýllın men «Kaspıı neft» AQ Bas dırektory Serik Tyran bastaǵan alǵashqy oqý orny men aýdıtorııanyń saltanatty ashylýy ótti.
«Smart field Airankol» aýdıtorııada teorııalyq sabaqtar úshin «Aırankól» ken ornynan jáne oqý polıgonynan naqty operatsııalyq derekterge qol jetkizý qamtamasyz etiledi, bul stýdentterge óndiristik protsesterdi baqylap qana qoımaı, derekterdi taldaý men monıtorıngke belsendi qatysýǵa múmkindik beredi. Bul teorııa men praktıkanyń biregeı úılesimi stýdentterdiń bolashaq kásibı qyzmetine daıyndyǵyn edáýir jaqsartady jáne QBTÝ túlekterin eńbek naryǵynda suranysqa ıe etedi. «Kaspıı neft» AQ Bas dırektory Serik Tyran ashylýǵa qatysýshylarǵa ken ornynyń naqty ýaqyt rejıminde qalaı jumys isteıtinin kórsetip, stýdentter «Aırankól» ken ornynyń derekterin paıdalana alatynyn atap ótti:
«Osy jobamen biz Qazaqstanda stýdentter tájirıbe jasap, oqı alatyn tsıfrlandyrylǵan ken oryndary bar ekenin kórsetkimiz keledi. Biz munda barlyq derekterdi naqty ýaqyt rejıminde usyndyq. Stýdentter osy málimetter negizinde ózderiniń boljamdary men modelderin qura alady, derektermen jumys isteı alady, jobalar, dıplomdyq jumystar jasaı alady. Bizdiń maqsatymyz-stýdentterge naqty sandarmen jumys isteýge múmkindik berý… Biz munaı salasynyń qanshalyqty tehnologııalyq jáne qyzyqty ekenin kórsetkimiz keledi jáne bizdiń salaǵa talanttardy tartqymyz keledi. Bizge myqty mamandar kerek».
Jańa oqytý orny stýdentterge munaı óndirý salasynda praktıkalyq tájirıbe men tereń bilim alýǵa múmkindik beretin ártúrli paıdalaný ádisterimen bes uńǵymany burǵylaýdy qamtıdy.
Sonymen qatar, búkil protsess avtomattandyrylady, bul stýdentterge óndiristi basqarýdyń zamanaýı júıelerimen jumys isteýdi úırenýge múmkindik beredi. Polıgonnyń ereksheligi-munaı óndirý protsesine elikteý, bul stýdentterge óndiris protsesiniń barlyq aspektilerin, sonyń ishinde jabdyqtar men materıaldarmen fızıkalyq ózara árekettesýdi sezinýge biregeı múmkindik beredi. Qazaqstan-Brıtan tehnıkalyq ýnıversıtetiniń rektory Maratbek Ǵabdýllın endi oqý polıgonynda oqıtyn stýdentter derekterdi zertteý jáne baqylaý arqyly ǵana odan da kóp daǵdylar men bilim alatynyn atap ótti:
«Negizgi ıdeıa bir jyl buryn paıda boldy — bizdiń stýdentterimiz ártúrli sorǵylarmen munaı óndirý protsesiniń qalaı jumys isteıtinin kórý úshin dál oqý polıgonyn qurý qajet boldy. Bul ıdeıa bizdiń seriktesterimiz — „Kaspıı neft“ AQ arqasynda júzege asty. Biz búgin ashqan aýdıtorııa — bul Ortalyq Azııa úshin ınnovatsııa, sebebi stýdentter ken ornynan óndirý týraly naqty derekterdi alatyn jalǵyz aýdıtorııa. Aýdıtorııa tek derekterdi alýǵa ǵana emes, sonymen qatar olardy óńdeýge jáne protsesterdi modeldeý úshin paıdalanýǵa arnalǵan baǵdarlamalyq quraldarmen jabdyqtalǵan».
Ashylý saltanatyna energetıka jáne munaı-gaz ındýstrııasy mektebiniń stýdentteri de qatysty.
«Munaı-gaz delo» mamandyǵynyń 4 — kýrs stýdenti Sardabek Rahmanov óz áserimen bólisti: «Eń qyzyǵy, bul keńistik bizge naqty ýaqyt rejıminde „Airankol“ ken ornynan óndiristik derekterdi baıqaýǵa jáne jumys isteýge kómektesedi, bul bilim berý protsesin aıtarlyqtaı jaqsartady. Sondaı-aq, biz óz derekterimizdi engizip, túrli synaqtar júrgize alamyz. Bizge osyndaı múmkindikter jasaǵany úshin basshylyq pen dekanatqa alǵys aıtamyn. Meniń oıymsha, bul tájirıbe bizdiń biliktiligimizdi arttyrýǵa kómektesedi».
Aktsıoneri «NNEF» QQ qory bolyp tabylatyn «Kaspıı neft» AQ men QBTÝ seriktestigi bolashaq bastamalarǵa úlgi bola otyryp, bilim berý jáne ónerkásip salalaryn ıntegratsııalaý úshin jańa standart belgileıdi. «Ǵylym men óndiristiń úılesimi-Memleket basshysynyń Joldaýynda aıtylǵan basym baǵyttardyń biri. Kez-kelgen salada tehnologııany jańartý qajettiligi týyndaıdy. Olardyń biri-munaı óndirý salasy», — dedi «Kaspıı neft» AQ PR menedjeri Aqbota Kúnshigarova. Bul yntymaqtastyq salanyń ózekti talaptaryna jaýap beretin oqý baǵdarlamalaryn qalyptastyrýǵa baǵyttalǵan ýnıversıtetter men kásiporyndar arasyndaǵy sınergııanyń mańyzdylyǵyn kórsetedi. Bul ıntegratsııa oqý protsesin naqty praktıkalyq mazmunmen baıytyp qana qoımaıdy, sonymen qatar stýdentter men mamandar úshin jańa kókjıekterdi asha otyryp, saladaǵy ınnovatsııalyq ázirlemelerdi yntalandyrady.