Ortalyq Azııadaǵy eń iri elektrondy saýda taratý ortalyqtarynyń biri Qazaqstanda ashylady

<p>ASTANA. KAZINFORM &mdash; 2 shildede Astanada Qazaqstan-Qytaı iskerlik keńesiniń 7-shi otyrysy ótti. Dál osy jıynda &laquo;QazMunaıGaz&raquo; ben &laquo;SIBÝR Holdıng&raquo; jáne Sinopec Overseas Investment Holding &laquo;Sılleno&raquo; jobasyna qatysty&nbsp;<a href="https://www.kmg.kz/press-center/press-releases/kmg-sibur-sinopec-podpisaniye-silleno-02072024/" target="_blank" rel="noopener">hattamaǵa qol qoıdy.</a> Osy qujattyń ishinde &laquo;Qazposhta&raquo; AQ men YTO Express Group arasyndaǵy yntymaqtastyq týraly kelisim de bar.&nbsp;</p>

Taıaýda osy taqyryp boıynsha Saýda jáne ıntegratsııa mınıstri Arman Shaqqalıev pen YTO Express Co. basqarma tóraǵasy ıÝ Veıtszıa kezdesti.

Jıynda Ortalyq Azııadaǵy eń iri elektrondy saýda taratý ortalyqtarynyń biri Qazaqstanda ashylatyny málim boldy. Bul ortalyq taýarlardy jedel óńdeýdi jáne EO, EAEO jáne Ortalyq Azııa elderine jetkizilýin qamtamasyz etpek. Sondaı-aq ıntellektýaldyq IT-sheshimderdi engizý, logıstıkalyq úderisterdi tolyq avtomattandyrý, kedendik súıemeldeý jumystary rettelmek.

Vedomstvo dereginshe, Qazaqstandaǵy elektrondyq saýda naryǵy jyl saıyn 20 paıyzǵa ósýde.

«Qytaıdyń elektrondy saýda naryǵy óziniń aýqymymen tań qaldyrady, onda satylymdardyń 70 paıyzdan astamy onlaın júzege asyrylýda. Qazaqstan óziniń tıimdi geografııalyq ornalasýymen halyqaralyq elektrondy saýdanyń negizgi tranzıttik aımaǵyna aınalýǵa umtylady. Qazposhtamen birlesken Qazaqstanda taratý ortalyǵyn qurý jobasy transshekaralyq saýdany damytýǵa jańa serpin beredi», – degen Qazaqstannyń Saýda mınıstri.

YTO Express Co. basqarma tóraǵasy ıÝ Veıtszıa bul jobanyń búkil óńirdi qamtıtyn Ortalyq Azııadaǵy jalǵyz joba ekenin atap ótti. Kompanııa birqatar elde taǵy 5 taratý ortalyǵyn salýdy josparlap otyr. Qorytyndysynda joba ekonomıkalyq baılanystardy nyǵaıtý men halyqaralyq onlaın saýdany damytý jolyndaǵy mańyzdy qadam sanalmaq.