Ortalyq Azııa elderi tótenshe jaǵdaılardy aldyn ala habarlaıtyn ortaq platforma qurmaq

<p>TAShKENT. KAZINFORM &ndash; Ózbekstan astanasy Tashkent qalasynda Ortalyq Azııadaǵy (OA) klımattyń ózgerýin basqarý jónindegi semınar ótti, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi.</p>

Jıynǵa Ortalyq Azııa elderiniń jaýapty mınıstrlik ókilderi, sarapshylar men halyqaralyq ekologtar qatysty. Olar transshekaralyq ózenderdegi sý sapasy, tótenshe jaǵdaılardyń aldyn alýǵa baǵyttalǵan monıtorıngileý ortalyqtarynyń jumysyn jetildirý bastamalaryn talqylady.

Foto: Kazinform/Álıhan Asqar

Qazaqstandyq delegatsııanyń atynan kelgen OA elderi boıynsha tótenshe jaǵdaı men apat táýekelderin tómendetý ortalyǵynyń dırektory Serik Áýbákirov 5 memlekettiń habarlandyrý júıesin ıntegratsııalaý baǵytynda jumystar qolǵa alynatynyn aıtty.

«Qazir biz túrli tótenshe jaǵdaılardyń aldyn alý úshin habarlandyrý júıelerin ıntegratsııalaýǵa kóńil bólýdemiz. Ortalyq Azııa memleketteri bir beldeýde ornalasqan jáne taıfýn men janartaý atqylaý sııaqty apattardan basqa klımattyq ózgeristerdiń barlyǵy ortaq», - dedi S.Áýbákirov.

Onyń atap ótýinshe, búginde transshekaralyq tótenshe jaǵdaılar da az emes. ıAǵnı, epıtsentri basqa elde bastalyp, saldary kórshiles memleketterde sezilýi múmkin jer silkinisi sııaqty qaýipter bar.

«Bul rette bizge aqparattyq júıelerdi avtomattandyrý mańyzdy. Adamı faktordyń qatysýynsyz mobıldi qosymshalar arqyly jedel habardar etý sharlaryn pysyqtap jatyrmyz. Ár eldiń óziniń ulttyq baqylaý júıeleri bar. Endi olardy biriktirip, sol arqyly tótenshe jaǵdaı týraly aldyn ala ózara aqparat almasý úshin ortaq platforma ázirleımiz. Bizdiń uıym Ortalyq Azııa elderiniń tótenshe jaǵdaılar mınıstrlikterine usynys daıyndaý ókilettigne ıe», - dep toqtaldy S.Áýbákirov.

OA elderiniń ulttyq monıtorıngileý júıelerin biriktiretin platformanyń naqty qaı jyly iske qosylatyny belgisiz. Óıtkeni, ol memleketterdiń jyldyq bıýdjetin josparlýyna baılanysty.