Ortalyq Azııa elderi men Ázerbaıjannyń memleket basshylary «Dostyq keshi» gala-kontsertin tamashalady
20:01, 08 Tamyz 2024
<p>ASTANA. KAZINFORM - Qasym-Jomart Toqaev Ortalyq Azııa memleketteri basshylarynyń VI Konsýltatıvtik kezdesýine qatysý úshin Astanaǵa arnaıy kelgen Ózbekstan, Qyrǵyzstan, Tájikstan jáne Ázerbaıjan prezıdentterimen birge mártebeli meımandardyń qurmetine uıymdastyrylǵan «Dostyq keshi» gala-kontsertin tamashalady, dep habarlaıdy Aqordanyń baspasóz qyzmeti. </p>
Memleketter basshylary «Astana opera» vestıbıýlinde «Shyǵarmashylyq jańǵyryǵy» kórmesimen tanysty. Kórmege tanymal qazaqstandyq sýretshilerdiń týyndylary jáne Ortalyq Azııa elderi beıneleý óneri sheberleriniń eńbekteri qoıylǵan.
Kontserttik baǵdarlama aıasynda qazaq, ózbek, qyrǵyz, tájik, ázerbaıjan halyqtarynyń ánderi men bıleri oryndaldy. Sondaı-aq kórermenderdiń nazaryna ulttyq mýzykalyq aspaptar ansambliniń súıemeldeýimen «Dostyq» dıvertısmenti usynyldy.