Ortalyq Azııa elderi atom energetıkasy salasyndaǵy yntymaqtastyqty bekemdeı túsýi tıis - sarapshy

<p>TAShKENT. KAZINFORM &ndash; Ortalyq Azııa elderi atom energetıkasy salasyndaǵy yntymaqtastyqty bekemdeı tússe, memleketterdiń álemdik arenadaǵy bedeli artady. &laquo;Sputnik Ózbekstan&raquo; mýltımedıalyq baspasóz ortalyǵy uıymdastyrǵan talqylaýǵa qatysqan sarapshylardyń pikiri osyǵan saıady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Salanyń beldi sarapshylary áýeli taıaýda Samarqanda ótken halyqaralyq konferentsııanyń qortyndysyn shyǵardy. Atom energetıkasynyń keleshegi men múmkindigi talqylanǵan is-sharaǵa 500-den astam sheteldik delegat qatysty.

Onyń aıasynda Ózbekstan prezıdenti Shavkat Mırzıeev Atom energııasy jónindegi halyqaralyq agenttiktiń (AEHA) bas dırektory Rafael Grossıdi qabyldady.

- AEHA basshysy men prezıdent Shavkat Mırzıeev arasynda kezdesý ótti. Onyń barysynda taraptar elde atom energetıkasyn damytýǵa qatysty máselelerdi talqylap, pikir almasty. Búgingi tańda Ózbekstan úshin halyqaralyq uıymdarmen yntymaqtastyqta jumys isteý, qarym-qatynasty nyǵaıtý mańyzdy. Sondyqtan da Samarqan qalasynda aýqymdy konferentsııa uıymdastyryldy. Bul - tájirıbe almasyp, ózge elderdegi atom energetıkasynyń damý deńgeıin baǵamdaý úshin taptyrmas alań. Konferentsııany jyl saıyn ótkizip turýdy josparlap otyrmyz, - dedi «Uzatom» agenttigi atom energııasy, ıadrolyq tehnologııa jáne ınnovatsııa basqarmasynyń jetekshisi Nadıra Zıkrıllaeva.

Foto: Sputnik Ózbekstan

Sarapshylar óńiraralyq yntymaqtastyq máselelerine de toqtaldy. QR Atom ǵylymy, energetıkasy jáne ónerkásibi ardagerleri keńesiniń tóraǵasy Baýyrjan Ybyraevtyń aıtýynsha, Qazaqstan men Ózbekstan ıadrolyq otyn óndirisi baǵytyn birlese damyta alady.

- Ortalyq Azııa elderiniń tabıǵı ýran óndirý áleýeti zor. Ózbekstan bul baǵytta belsendi jumys istep jatqanyn bilemiz. Qazaqstan da ýrandy tek el ishinde óndirýmen shektelmeı, bul jumystardy shet elderde jalǵastyrý josparyn qoıyp otyr. Elimiz tabıǵı ýran óndirisi boıynsha álemde jetekshi memleket sanalady. Osy múmkindikterdi eskere otyryp, aldaǵy ýaqytta óńirlik ıntegratsııany bekemdeı túsý kerek. Bul bizdiń álemdik arenadaǵy rólimizdi jáne bedelimizdi arttyrýǵa jol ashady, - dep toqtaldy Baýyrjan Ybyraev.

Eske salaıyq, Ózbekstanda reseılik tehnologııa boıynsha óńirdegi alǵashqy az qýatty atom elektr stantsııasy salynady.

Taıaýda Ózbekstan men Reseı AES qurylysyn bastaý hattamasyna qol qoıdy.