Ortalyq Azııa elderi astanalarynyń jańa jyldyq shyrshalary qandaı?

<p>Ortalyq Azııa elderi astanalarynyń ortalyq alańdaryna sán berip turǵan jańa jyldyq shyrshalar qandaı? <a href="Kazinform" target="_blank" rel="noopener">Kazinform </a>bul týraly <a href="https://kabar.kg/news/kak-vygliadiat-glavnye-novogodnie-elki-v-stolitcakh-stran-tcentral-noi-azii-foto/" target="_blank" rel="noopener">Kabar </a>agenttigine silteme jasap baıandaıdy.&nbsp;</p>

Astana

Qazaqstannyń bas shyrshasy 17 jeltoqsanda jaǵyldy. Ol Astanadaǵy EKSPO halyqaralyq kórme ortalyǵynyń aýmaǵynda ornalasqan. Bıiktigi - 25 metr.

Bas shyrshany jaǵý kezinde elorda turǵyndary men qonaqtary úshin kontsert, jańa jyldyq jármeńke, muz aıdyny, labırınt, fýd-kort, taqyryptyq fotoaımaqtar jáne t.b. uıymdastyryldy. Sharaǵa bes myńǵa jýyq adam qatysty.

Foto: kabar

Ashhabad

Túrkimenstan astanasynda 15 jeltoqsanda «Álem» mádenı-oıyn-saýyq ortalyǵynyń alańynda ornatylǵan jasyl shyrshany jaǵý rásimi ótti. Shyrshanyń bıiktigi - 44 metr, al dıametri - 16 metr. Ol Sibirden ákelingen tabıǵı shyrsha butaqtarynan jasalyp, 4 myń oıynshyq jáne 55 myń jaryq dıodty shamdarmen bezendirildi.

Shyrshanyń joǵarǵy jaǵynda «2024» degen jazýy bar segiz qyrly juldyz ornalasqan. Ol túrkimen ulttyq kúntizbesi boıynsha keler jyldyń nyshany - júzetin balyqtardy beıneleıtin monıtorlarmen qorshalǵan.

Foto: kabar

Bishkek

Bishkekte 15 jeltoqsanda eldiń bas shyrshasynyń shamy jaǵyldy. Dástúr boıynsha ol Ala-Too alańynda ornatyldy. Bıiktigi - 32 metr, dıametri - 12 metr.

Shara qonaqtary úshin otandyq estrada ánshileriniń qatysýymen kontsert uıymdastyryldy. Shyrsha 32 metrlik jaryq dıodty gırlıandalarmen joǵarydan tómenge deıin sheńber boıymen bezendirilgen.

Foto: kabar

Dýshanbe

Dýshanbede jańa jyldyń basty atrıbýty Táýelsizdik alańyna ornatyldy. Bıyl onyń bıiktigi - 30 metrge, dıametri 16 metrge jetedi.

Jańa jyl qarsańynda merekelik kontsert qoıylyp, otshashý bolady.

Foto: kabar

Tashkent

Bas shyrsha jyldaǵy dástúr boıynsha Ózbekstan Ulttyq kitaphanasynyń aldyna ornatyldy. Onyń bıiktigi - 35 metr.

Bul jerde merekelik sharalar 28 jeltoqsan men 8 qańtar aralyǵynda saǵat 11:00-den 23:00-ge deıin ótedi.

Foto: kabar