Ortaq túrki álipbı úlgisi týraly kelisim saıası sheshim emes – Saıasat Nurbek

<p>ASTANA. KAZINFORM &ndash; Túrki áleminiń ortaq álipbıi komıssııasynyń 34 áripten turatyn álipbı úlgisine qatysty qabyldaǵan kelisimi saıası sheshim emes. Bul týraly búgin Ǵylym jáne joǵary bilim mınıstri Saıasat Nurbek aıtty.</p>

«Ózderińizge málim, túrki memleketteriniń otyrystarynda ǵylymı qaýymdastyqtarǵa, ǵalymdarǵa ortaq álipbı úlgisin qarastyrýǵa qatysty birneshe tapsyrma berilgen. Sondyqtan birneshe kezdesý boldy. Halyqaralyq Túrki akademııasynyń negizinde birneshe talqylaý qorytyndysynan keıin akademııa basshysy Shaın Mustafaev myrza osyndaı qujatqa qol qoıǵan. Taǵy da aıtamyn, bul Úkimet deńgeıindegi nemese saıası qujat emes. Tek ǵylymı qaýymdastyq tarapynan talqylanyp jatqan qujat», - dedi mınıstr.

Aıta keteıik, Halyqaralyq Túrki akademııasy 9-11 qyrkúıek kúnderi Ázerbaıjan astanasynda Túrki áleminiń ortaq álipbıi komıssııasynyń úshinshi otyrysy ótkenin habarlaǵan bolatyn. Taratylǵan aqparatqa qaraǵanda, otyrys qorytyndysynda 34 áripten turatyn ortaq túrki álipbı úlgisi týraly usynys boıynsha kelisimge qol jetkizilgen.