Ortaq iske óz úlesimdi qosamyn- qatardaǵy sarbaz

ORAL. QazAqparat -Jastar jylyna qatysty Oraldaǵy 5517-áskerı bóliminiń qatardaǵy jaýyngeri Abylaı Berdi óz pikirin bildirdi, dep habarlaıdy QazAqparat tilshisi.

Onyń aıtýynsha, bıylǵy Elbasy Joldaýynyń mán-mańyzy erekshe. Tarıhı qujat eldiń búgini men bolashaǵyn aıqyndap bergendeı.

Memleket basshysy, ásirese, jas býyn ókilderine qajetti baǵdarlamalar men bastamalardy usynyp, aldaǵy jyldy jastar jyly dep bekitti.

«Osy oraıda, bizdiń QR Ulttyq ulany «Batys» óńirlik qolbasshylyǵyna qarasty 5517-áskerı bóliminiń jas sarbazdary da Elbasynyń bastamalaryn qoldap, ony oryndaýǵa kúsh-jigerlerin jumsaıdy. Óz basym, buıyrsa, bıyl jeltoqsan aıynda Otan aldyndaǵy áskerı boryshymdy ótep, elge oralyp, mamandyǵym boıynsha eńbek etip, qajyr-qaıratym men bilimimdi jarqyn is, jańa bastamalarǵa arnaıtyn bolamyn. Jastar jasampaz eńbek jolyna túskende ǵana qoǵamdy alǵa bastyra alady. Jańa zaman táýelsiz el jastarynan jańashyldyqpen eńbek etýdi talap etip otyr. «Elińniń uly bolsań, elińe janyń ashysa, azamattyq namysyń bolsa, qazaqtyń memleketin nyǵaıtyp, kórkeıýi jolynda terińdi tógip, eńbek et. Jerdiń de, eldiń de ıesi ekenińdi umytpa», - degen bolatyn Elbasy bir sózinde. Osydan artyq qandaı arman-maqsat bolýy múmkin, biz de ortaq iske óz úlesimizdi qosatyn bolamyz», dedi Abylaı Berdi.