«Ortaq Abaı» baıqaýyna 31 ózge ult ókili qatysyp jatyr
14:06, 11 Aqpan 2020
TALDYQORǴAN. QazAqparat - Taldyqorǵanda Almaty oblysynda turatyn ózge ult jastary arasynda «Ortaq Abaı» atty kórkem sóz oqý baıqaýy bastaldy, dep habarlaıdy QazAqparat tilshisi.
Bul sharaǵa uıytqy bolǵan Almaty oblysy ákimdigi men «Nur Otan» partııasynyń Almaty oblystyq fılıaly.
Uly Abaıdyń 175 jyldyǵyna oraı uıymdastyrylyp jatqan baıqaýǵa 31 ózge ult ókili qatysýǵa nıet bildirgen. Qazirgi tańda irikteý kezeńiniń ekinshi bóligi ótip jatyr. Jastar talap boıynsha aqynnyń eki óleńin nemese qara sózin oqýy tıis. Oqý ýaqyty 3-4 mınýttan aspaý kerek. Al jeńimpazdar 12 aqpan kúni marapattalady.