Orta dáliz boıynsha júk tasymaldaý kólemi úshten bir ese ulǵaıdy

<p>ASTANA. KAZINFORM &ndash;Bıylǵy jyldyń tórt aıynda Orta dáliz boıynsha júk tasymaldaý kólemi ótken jylmen salystyrǵanda 35 paıyzǵa ósti. Bul týraly Qytaıda ótken &laquo;Ázerbaıjan temir joldary&raquo; JAQ tóraǵasy Rovshan Rýstamov pen Qytaı temir joldary memlekettik korporatsııasynyń tóraǵasy Lıý Chjenfannyń kezdesýi barysynda aıtyldy.</p>

Kezdesý barysynda taraptar orta dálizdiń básekege qabilettiligin arttyrý maqsatynda Ázerbaıjan aýmaǵy arqyly ótetin temir jol tranzıttik tasymaldaryn qytaı tarapynyń sýbsıdııalaýy jáne basqa da máselelerdi talqylady.

Ázerbaıjan delegatsııasy osy arterııanyń ınfraqurylymyn damytý úshin el júzege asyratyn jobalardy usyndy. Osy turǵyda «Ázerbaıjan temir joldary» JAQ basshysy Baký-Tbılısı-Kars (BTK) jańartylǵan temirjoly júk tasymalyn jańǵyrtý boıynsha jylyna 5 mıllıon tonnaǵa deıin júkterdi tasymaldaýǵa múmkindik beretinin atap ótti.

Kezdesýde Qytaıdyń Sıan provıntsııasyndaǵy porttan barlyǵy 61 konteınerlik poıyz orta dálizge jiberilgeni aıtyldy. Jalpy qańtar-sáýir aılarynda osy baǵyt boıynsha júk tasymaldaý kólemi 2023 jylmen salystyrǵanda 35 paıyzǵa ósken.

20 mamyrda orta dálizdiń mańyzdy bóligi sanalatyn Baký-Tbılısı-Kars temirjolynyń 184 shaqyrymdyq ýchaskesin jańǵyrtýdyń aıaqtalǵany belgili boldy. Sol kúni Ázerbaıjannyń Absheron logıstıkalyq ortalyǵynan Grýzııaǵa qaraı 20 konteınerlik júk poıyzy jolǵa shyqty.