Orta bilim berý uıymdarynda balalarǵa arnalǵan «Baǵdar» jobasy engiziledi

NUR-SULTAN. QazAqparat – Balalardy erte kásibı baǵdarlaý úshin «Baǵdar» jobasy ázirlendi. Bul týraly Memleket basshysynyń Joldaýynda berilgen tapsyrmalardy oryndaýǵa arnalǵan Úkimet otyrysynda Bilim jáne ǵylym mınıstri Ashat Aımaǵambetov málim etti, dep habarlaıdy QazAqaparat tilshisi.

«Balalardy erte kásibı baǵdarlaý úshin «Atameken» palatasymen birlesip «Baǵdar» jobasy ázirlendi. Atameken palatasy jáne eksperttermen osy taqyryp boıynsha arnaıy jınalys ta ótkizip, naqty jospardy belgiledik», - dedi A. Aımaǵambetov.

Onyń aıtýynsha, bul joba oqýshylardyń kásibı dıagnostıkasyn, kásibı baǵdar berýdi súıemeldeý, kásibı synaqtar, sondaı-aq kásibı baǵdardyń jańa tásilderine oqytýdy qamtıdy.

«Joba barlyq orta bilim berý uıymdaryna engiziledi», - dep naqtylady mınıstr.

Budan buryn habarlanǵandaı, Bilim mınıstri 1 myń jańa mektepti salý qadamdaryn túsindirdi.