Orta Azııadaǵy eń iri sút fermasy SQO-da salynyp jatyr

<p>ASTANA. KAZINFORM &ndash; Soltústik Qazaqstan oblysynyń sút-taýar fermalaryn salý tájirıbesi tutas respýblıkaǵa taralyp jatyr. Óńir ákimi Ǵaýez Nurmuhambetovtiń aıtýynsha, qazirgi ýaqytta 19 sút kesheniniń 11-i aıaqtalyp, iske qosyldy.</p>

- Jańa sút fermalarynyń barlyǵy ónerkásiptik sıpatqa ıe, olardyń syıymdylyǵy 400-den 1 500 malǵa deıin jetedi. Fermalar tolyq qýattylyqqa shyqqanda qosymsha 70 myń tonna sút óndirilip, 500 jumys orny ashylady, - dedi Ǵ.Nurmuhambetov Astanada Ortalyq kommýnıkatsııalar qyzmetinde.

Aýyl sharýashylyǵy ónimderin óńdeý kólemin arttyrý úshin ınvestıtsııalyq jobalar júzege asyrylyp jatyr.

- Zenchenko jáne K» seriktestigi jylyna 13 myń tonna maıly daqyldardy óńdeý tsehyn salyp jatyr jáne jumys istep turǵan sút zaýytyn keńeıtýde. Bul óńdeý qýatyn 1,5 esege arttyryp, jylyna 54 myń tonna sútke deıin jetkizedi. Oǵan qosa, seriktestik 8 myń malǵa arnalǵan sút fermasy qurylysyn bastady. Bul keshen elimizde ǵana emes, Ortalyq Azııadaǵy eń iri keshen bolmaq, - dedi SQO ákimi.

Sonymen birge, «Evrazıan mılk» JShS qoıýlandyrylǵan sút tsehtyń salyp jatyr, bul óndiris qýatyn jylyna 92 myń tonna shıkizatty óńdeı alady.

- Atalǵan jobalardy iske asyrý maıly daqyldardy óńdeý úlesin arttyrýǵa, sondaı-aq daıyn sút ónimderiniń óndirisin jylyna 370 myń tonnaǵa deıin jetkizýge múmkindik beredi, - dedi Ǵ.Nurmuhambetov.

Buǵan deıin Soltústik Qazaqstan oblysynyń ákimi kóktemgi sý tasqyny saldary qalaı qalpyna keltirilgenin aıtyp bergen edi.

Sondaı-aq, SQO-da sońǵy 13 jyldaǵy eń mol egin jınaldy.