Órt sóndirýshilerdiń shtaty 44 paıyz bos tur

<p>ASTANA. KAZINFORM &ndash; Tótenshe jaǵdaılar mınıstrligine qarasty órt sóndirýshilerdiń shtattaǵy sany normatıv sanynan 44 paıyz az. Bul týraly vedomstvonyń Kazinform saýalyna joldaǵan jaýabynda aıtylǵan.</p>

Qoldanystaǵy sandyq normatıv boıynsha órt sóndirý qyzmetkerleri sanynyń normatıv pen shtattyq sany arasyndaǵy aıyrmashylyǵy 44%. Búgingi kúni órtke qarsy tehnıkasynyń júrgizýshisi laýazymy tapshy. Mınıstrlik málimeti boıynsha, órt sóndirýshiler jumysqa qajetti kıim-keshekpen 100 paıyz qamtamasyz etilgen.

«Órt sóndirýshilerdiń barlyǵy qajetti nysandy kıim-keshekpen tolyqqandy qamtylǵan. «Tabıǵı jáne tehnogendik sıpattaǵy tótenshe jaǵdaılardyń aldyn alý jáne joıý, halyqqa shuǵyl medıtsınalyq jáne psıhologııalyq kómek kórsetý jónindegi fýnktsııalardy júzege asyratyn qyzmetkerlerdiń, memlekettik órtke qarsy qyzmet organdary qyzmetkerleriniń nysandy kıimi men arnaıy kıim-kesheginiń tıesililik normalaryn bekitý týraly» Qazaqstan Respýblıkasy Tótenshe jaǵdaılar mınıstriniń 2022 jylǵy 31 mamyrdaǵy № 196 buıryǵynda belgilengen merzimderge saı nysandy kıim-keshek beriledi», - dep jazylǵan jaýapta.