Órt sóndirýshilerdiń aılyǵy jańa jyldan bastap 40 paıyz kóteriledi - mınıstr

ASTANA. QazAqparat – Tótenshe jaǵdaılar mınıstri ıÝrıı Ilın Úkimet kýlýarynda keler jyldan bastap órt sóndirýshilerdiń aılyǵy ósýi múmkin ekenin aıtty, dep habarlaıdy QazAqparat tilshisi.

«Qazir órt sóndirýshilerdiń ortasha jalaqysy qansha jáne qashan kóteriledi?» - dep surady jýrnalıster mınıstrden.

«Birinshiden, biz bul máseleni kótere bastaǵanda, 2019 jyly aılyǵymyzdyń 65%, odan keıin 10% jáne bıyl 3% kóterilgeni sóz boldy. Bir qarasań, óte joǵary kórsetkish sııaqty. Biraq, sol 2019 jyly jumysqa jańa kirisken órt sóndirýshi 65 myń teńge alatyn. Qazir eńbek ótilinsiz, ústemeaqysyz, taza aılyq – 109 myń teńge», - dedi vedomstvo basshysy.

Onyń aıtýyna qaraǵanda sala mamandarynyń aılyǵy bastapqyda qazirgiden 40 paıyz kóterilmek.

«Qazir Memleket basshysynyń jáne Premer-Mınıstrdiń tapsyrmalary boıynsha Ulttyq ekonomıka mınıstrligimen birge aılyqty tym bolmasa 40 paıyz kóterý máselesin pysyqtap jatyrmyz. Eger iske assa, jańa jyldan bastap qyzmetkerlerimizdiń aılyǵy ósedi», - dedi ıÝrıı Ilın.