Órt sóndirýshiler jyl basynan beri 10 myńǵa jýyq adamdy qutqardy

ASTANA. QazAqparat - Jyl basynan beri Tótenshe jaǵdaılar mınıstrliginiń órt sóndirý qyzmeti, jedel-qutqarý jáne basqa da bólimsheleri 61 983 ret tótenshe oqıǵalarǵa shyǵyp, 9 863 adamdy qutqardy, dep habarlaıdy QazAqparat vedomstvoǵa silteme jasap.

«TJ aımaǵynan 10 627 adam evakýatsııalanyp, 3 690 zardap shegýshige alǵashqy medıtsınalyq kómek kórsetildi. 9 727 tabıǵı jáne tehnogendik sıpattaǵy tótenshe jaǵdaılar men oqıǵalar tirkeldi, onda 1 481 adam zardap shekti», - dep jazdy mınıstrlikten.

Uıaly baılanys operatorlary arqyly halyqqa daýyldy eskertý (kóktaıǵaq, qatty jel, boran, qatty aıaz, jańbyr sýynyń qaýpi, qar kóshkini qaýpi jáne t.b.), tas joldardyń jabylýy, sabaqtardyń toqtatylýy boıynsha 4 558 SMS-habarlama jiberilgen.

Jedel den qoıýdy jáne sheshim qabyldaýdy talap etetin aqparat belgilengen tártipke sáıkes dereý tıisti basqarý organdaryna jetkiziledi.

Foto:gov.kz