Órt sóndirý oshaǵynda dári-dármek jetkilikti – dárigerler

SEMEI. QazAqparat – Medıtsına qyzmetkerleri órt sóndirý aımaǵyndaǵy adamdarǵa qajet emes dári-dármekterdi jiberý isin toqtatýdy surady, dep habarlaıdy QazAqparat.

Medıtsına mamandarynyń aıtýynsha, órt aımaǵyna densaýlyqqa zııan keltirýi múmkin preparattar da jetkizilgen.

«Órt oshaǵynda júrgen medıtsına qyzmetkerleri qazirgi jaǵdaıǵa sáıkes kelmeıtin dári-dármek jiberýdi toqtatýdy suraıdy. Tipti, olardyń ishinde keıbir jaǵdaıda zııan keltirýi múmkin preparattar bar. Mysaly, «Strepsıls». Ony tútin aımaǵyndaǵy adamdar qoldansa, jaǵdaıyn nasharlatýy múmkin. Dárilik preparattar jaramdylyq merzimin jáne saqtaý jaǵdaıyn esepke almaı qoraptarmen jetkiziledi», – dep jazylǵan oblys ákimdigi habarlamasynda.

Qazir órt sóndirý oryndarynda TJM Apattar medıtsınasy ortalyǵynyń (TsÁK) kásibı brıgadalary jumys istep jatyr. Onyń quramyna dárigerler, medıtsına qyzmetkerleri, sanıtar-júrgizýshiler bar. Sondaı-aq pnevmokarkas modýlderi negizinde arnaıy kólik jáne dalalyq medıtsınalyq gospıtal ornalasqan.

Órt bolǵan kúnnen bastap Semeı jáne Borodýlıha aýdanynyń jedel medıtsınalyq kómek jáne medıtsınalyq uıymdarynyń brıgadalary kezekshilik etip jatyr.