Órt saldarynan bolǵan materıaldyq shyǵyndy kim óteıdi

ASTANA. QazAqparat – Astana qalasy TJD Memlekettik órt baqylaý basqarmasy bastyǵy mindetin atqarýshy Ajar Rústemova órt kezindegi materıaldyq shyǵyn qalaı óteletinin túsindirdi, dep habarlaıdy QazAqparat tilshisi.

Astana qalasynyń kommýnıkatsııalar qyzmetindegi brıfıngte «Órt kezinde asa iri materıaldyq shyǵyn bolsa, ony kim óteıdi?» degen suraq qoıyldy.

Spıkerdiń aıtýynsha, Azamattyq qorǵaý týraly zańda materıaldyq shyǵyndy óteý men qalpyna keltirý tártipteri jazylǵan.

«Zańda tehnogendik oqıǵalar, tótenshe jaǵdaı saldarynan materıaldyq zalal kelgen jaǵdaıda onyń úshinshi tulǵalardyń, zalal keltirgenderdiń esebinen óteletini jazylǵan. Belgili bir ereje bar. Bul erikti negizde nemese sot tártibimen belgilenedi. ıAǵnı, kinási dáleldense, sot úshinshi tulǵalarǵa keltirilgen zalaldy qalpyna keltirýd3 mindetteıdi. Erikti saqtandyrý uǵymy da bar. Biz oǵan da basa mán beremiz. Saqtandyrý jaǵdaıy týyndaǵan jaǵdaıda, halyq kelgen shyǵyndaryn qalpyna keltire alady», - dep jazýap berdi A. Rústemova.

Onyń aıtýynsha, turǵyn úılerdegi órt máselesi ózekti bolyp qala beredi, degenmen bıyl statıstıkada aıtarlyqtaı oń úrdis baıqalady: ótken jylmen salystyrǵanda órtter sany 17-20 paıyzǵa tómendeýi baıqalady.

Buǵan deıin Ajar Rústemova Astanadaǵy záýlim ǵımarattardyń órt qaýipsizdigi tekserilip jatqanyn aıtqan edi.