Órt-qutqarý sportynan ÁCh: qazastandyq komanda úshinshi oryn aldy
Marapattaý rásimine qoıan-qoltyq jekpe-jekten qazaq qyzdary arasyndaǵy alǵashqy úsh dúrkin álem chempıony, aralas jekpe-jektiń kásibı kúresshisi, kıkboksıng, taı boksy, MMA, pankratıonnan Qazaqstan Respýblıkasynyń sport sheberi, brazılııalyq djıý-djıtsýdan kók belbeý ıegeri Sora Baqtybaıqyzy qatysty.
Uldar arasyndaǵy jalpy komandalyq álemdik esepte: birinshi oryndy Reseı sportshylar quramasy, ekinshi oryndy Belarýs ıelendi, Qazaqstan sportshylary úzdik úshtikti túıindedi.
Jalpy komandalyq esepte qyzdar men jasóspirim qyzdar arasynda qurmet tuǵyryn Reseı Federatsııasynyń ókilderi, ekinshi oryndy – Belarýs Respýblıkasy, úshinshi oryndy - Qazaqstan ıelendi.
«2024 jylǵy Chempıonat kóptegen komandalardyń qabiletterin ashty. Bıyl kóp elderdiń jeńimpaz fınalısteri Almatyda ótken chempıonatqa qatysty. Bul chempıonatta órt-qutqarý sportyna qatysýshy barlyq elder jeńimpaz-júldeger atandy.
«Oqý munarasynyń 2-shi jáne 3-shi qabatyna shabýyl satysymen kóterilý» baǵyty boıynsha birinshi kúni fınalda Reseı, Belarýs jáne Qazaqstan sportshylary, jarystyń ekinshi kúni «Kedergileri bar 100 metrlik jolaqty eńserý» baǵyty boıynsha chempıonatqa qatysýshy elderdiń aıasy keńeıdi, ıaǵnı Reseı, Belarýs, Qazaqstan, Slovakııa jáne basqa da elderdiń barlyq sportshylary jaqsy nátıjege qol jetkizip, qurmetke ıe boldy.
«Biraq sońǵy kúni komandamyz keremet jetistikke qol jetkizdi. Qazaqstan - «Jaýyngerlik qanat jaıýdyń» patshasy!» - dep jarystyń bas hatshysy Nıkolaı Şelın atap ótti.
Jalpy jarys qatysýshylary ońtústik astanany unatqanyn, al ózderi jaǵymdy emotsııalar men odan ári jumys isteý úshin qajetti tájirıbe alǵanyn atap ótti.