Órt qaýpi joǵary kezeńderde qostanaılyqtardyń ormanǵa barýyna tyıym salynbaq

ASTANA. QazAqparat – Qostanaı oblysynda órt qaýpi joǵary kezeńderde turǵyndardyń ormanǵa barýyna tyıym salynýy múmkin. Bul týraly ashyq talqyǵa shyǵarylǵan óńir ákimdiginiń qaýlysynda jazylǵan, dep habarlaıdy QazAqparat tilshisi.

«Orman zııankesteri men aýrýlaryna qarsy kúres jónindegi avıahımııalyq, avıabıologııalyq jáne aerozoldik is-sharalardy júrgizý kezinde, sondaı-aq ormanda órt qaýpi joǵary kezeńderde jeke tulǵalardyń memlekettik orman qory aýmaǵynda bolýyna tyıym salynsyn jáne orman paıdalaný quqyǵy shektetilsin», - delingen qaýlyda.

Qujat 2 naýryzǵa deıin kópshilik talqylaýda bolady.

Eske sala keteıik, ótken jyly qyrkúıek aıynda Qostanaı oblysyna qarasty Áýlıekól aýdanyndaǵy orman alqabynda alapat órt boldy. Birneshe kúnge jalǵasqan tilsiz jaý saldarynan 2 091 adam evakýatsııalanyp, 12 turǵyn túrli jaraqat aldy.

Sonymen qatar, Amanqaraǵaı aýylynda 98 úı órtenip ketti.