Órt qaýpi joǵary kezde adamdardy ormanǵa jibermeý kerek — Premer
«Tótenshe jaǵdaılar mınıstrligi óńir ákimdikterimen birlesip, sms-habarlamalar jiberýdi qosa alǵanda, halyqpen órt qaýipsizdigi talaptaryn saqtaý boıynsha aqparattyq jumys júrgizýdi jandandyrýy qajet. Buǵan Mádenıet jáne aqparat, Tsıfrlyq damý mınıstrlikteri de atsalyssyn», — dedi Úkimet basshysy.
Premer-Mınıstr Ekologııa jáne tabıǵı resýrstar mınıstrligi ákimdiktermen birlesip, órt qaýpi joǵary kezeńde orman qoryn patrýldeý jıiligin ulǵaıtýǵa tıis ekenin aıtty.
«Іshki ister mınıstrligi ákimdiktermen birlesip, órt qaýpi joǵary kezeńde adamdardy orman qorynyń aýmaǵyna jibermeý boıynsha profılaktıkalyq is-sharalardy kúsheıtsin. Tótenshe jaǵdaılar, Ekologııa jáne tabıǵı resýrstar mınıstrlikteri men óńir ákimdikteri orman, tabıǵatty qorǵaý jáne órtke qarsy qurylymdardy materıaldyq-tehnıkalyq jaraqtandyrý jumystaryn belsendi júrgizýi kerek. Tótenshe jaǵdaılar mınıstrligi orman órtterine qarsy shuǵyl áreket etý úshin mehanıkalandyrylǵan sholý júıelerin ornatý jumystaryn jalǵastyrýy qajet. Tabıǵı órtterdiń aldyn alý jáne olardy joıý máseleleri boıynsha memlekettik organdardyń is-qımyldaryn naqty úılestirý qamtamasyz etilýge tıis», — dedi Oljas Bektenov.