«Orman-toǵaıdyń jaýy órt, ań-qustyń jaýy brakoner» - baspasózge sholý
***
«Aqpan aıynyń alǵashqy kúnderinde Qytaıdyń Iý qalasynan shyqqan júk poıyzy Qazaqstan Túrikmenstan Iran halyqaralyq temirjol dálizi arqyly 10 myń shaqyrym jol júrip, Tegeran qalasyna jetti. Sóıtip, Qazaqstan táýelsizdik alǵan jyldardyń ishinde tranzıttik tuıyq memleketten qurlyqtardy jalǵaǵan «altyn kópir» qýatty tranzıttik memleketke aınaldy. Elbasynyń Qazaqstandy áleýetti eýrazııalyq kólik-logıstıkalyq tranzıttik habyna aınaldyrý jóninde strategııalyq ıdeıasy oryndaldy», - dep jazady «Egemen Qazaqstan» gazeti. Basylymnyń jazýynsha, Táýelsizdik alǵan 25 jyl ishinde Qazaqstan búkil TMD memleketterin qosqandaǵydan artyq temirjol qurylysyn salypty. Elimizdiń tórt qubylasyn baılanystyra túgendegen jańa temirjol toraptarynyń uzyndyǵy 2558 shaqyrymǵa sozyldy. 110 jyldan astam ýaqytqa sozylǵan Qazaqstan temirjolynyń tarıhynda sońǵy 25 jyl ishinde salynǵan temirjol qurylysy elimizdiń kólik tranzıttik baǵytynda shynaıy egemendikke qol jetkizgen kezeń boldy. Sońǵy jyldary salynǵan temirjol talaptary ulan-ǵaıyr Qazaqstannyń tórt qubylasyn túgel bir-birimen baılanystyryp, táýelsiz ekonomıkamyzdyń tamyrlaryna tolyq qan júgirtti. Sonymen birge, tóńiregi túgel qurlyqpen shekaralasatyn Qazaqstan tuńǵysh ret Parsy shyǵanaǵy arqyly álemdik muhıtqa jol ashty. «Qytaımen baılanystyratyn tranzıttik temirjol dáliziniń mańyzy da zor. Mamandardyń aıtýynsha, 2020 jylǵa taman Eýropa men Qytaı arasyndaǵy taýar aınalymynyń kólemi 1 trıllıon dollarǵa deıin jetetin kórinedi. Qorǵas Shyǵys qaqpasy arqyly Aspanasty eliniń sarqylmas júk tasqyny Eýropaǵa jol tartpaq. Al Dostyq stansasy arqyly Kaspıı teńizimen Túrkııaǵa, Ózen Túrikmenstan arqyly Parsy Shyǵanaǵy elderine attandyrylatyn bolady. Aqıqatyn aıtqanda, táýelsiz Qazaqstan álemniń eń damyǵan elderimen ıyq tirestiretin áleýetti tranzıttik habqa aınaldy», - delingen «Táýelsizdik alǵan 25 jyl ishinde Qazaqstan búkil TMD memleketterin qosqandaǵydan da uzyn temirjol jelisin saldy» atty taqyryptaǵy maqalada.
Osy basylymnyń búgingi sanynda Aýyl sharýashylyǵy vıtse-mınıstri Erlan Nysanbaevpen aradaǵy suhbat «Orman-toǵaıdyń jaýy órt, ań-qustyń jaýy brakoner» degen taqyryppen berilgen. Basylym tilshisiniń barlyq saýalyna tuşymdy jaýap bergen vıtse-mınıstr taqyrypqa tuzdyq bolǵan jaıtqa qatysty oımen bólisip, kıikterdiń qyrylý sebepterine de keńinen toqtalǵan. Sonymen qatar Aýyl sharýashylyǵy mınıstrliginiń aldaǵy ýaqytta atqarar jumystaryna da egjeı-tegjeıli toqtalyp ótken. «Al janýarlar dúnıesi salasy boıynsha halyqaralyq tabıǵat qorǵaý uıymdarymen yntymaqtastyqty, Qazaqstanda barysty, kıikti, basqa da sırek kezdesetin tuıaqty janýarlar túrlerin saqtaý boıynsha jumystardy jalǵastyrý, Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń vedomstvolyq baǵynysyndaǵy bólimsheler QR ІІM Ákimshilik polıtsııasymen jáne oblys ákimdikterimen birlesip janýarlar dúnıesin saqtaý jáne tabıǵat qorǵaý zańnamasyn buzýshylarmen qarsy kúres júrgizý, respýblıkalyq «Qansonar» qaýymdastyǵymen ańshylyq sharýashylyqtaryn damytý jónindegi birlesken jumysty respýblıka kólemine shyǵarý, 2016 jyldyń kóktem jáne kúzinde QR ІІM kıikter taralǵan aımaqtaǵy oblystardyń jergilikti atqarýshy organdarymen jáne qoǵamdyq uıymdarmen birlesip, «El bolyp kıikti saqtaıyq!» atty tabıǵat qorǵaý aktsııasyn ótkizý. Alda turǵan maqsat-mindetimizdiń bir parasy, mine, osy bolyp tur», - dedi E.Nysanbaev.
***
«Eýroodaq Shyǵys Qazaqstan oblysynda «Altyn Altaı óńirdi damytýdyń baılyǵy» ataýymen aýyldyq týrızimdi damytýǵa arnalǵan jobany júzege asyrmaq», - dep jazady «Kazahstanskaıa pravda» «Selskıı týrızm - bogatstvo regıona» degen taqyryptaǵy maqalasynda. 2014 jyly bastaý alǵan joba Qatonqaraǵaı men Batys Altaı memlekettik ulttyq tabıǵı qoryǵy men qoryq aýmaǵyn qamtıdy. Basylymnyń jazýynsha, Eńbek aýylyna Gollodııadan otbasylar eki márte kelip, aýyl turǵyndarynyń kıiz basý isine tánti bolǵan kórinedi.
***
«Polıtsııa Astana medıtsına ýnıversıtetiniń stýdenti Erasyl Áýbákirovtiń óltirilýin ata-anasynyń qaryzyn qaıtarmaýyna baılanysty kek bolýy múmkin degen boljam jasaýda», - dep jazady «Vremıa» gazeti.
«Іshki ister mınıstrligi bizderdi tergeý amaldarynyń barynsha tyńǵylyqty júrgizilip jatqandyǵyna sendirdi. Ázirshe qandaı da bir boljam jasaý artyq bolar. Qazirgi sátte, polıtsııa urlaý jáne óltirýge qatysty birneshe nusqany qarastyrýda. Olardyń qatarynda Erasyldyń ata-anasy qaryzynan týyndaǵan kekke oraı aqsha bopsalaý jáne qyzǵanysh nusqalary bar», - delingen maqalada. Tolyǵyraq «Trı versıı ýbııstva» degen taqyryptaǵy maqalada baıandalǵan.