Orman sharýashylyǵy komıtetiniń tóraǵasy Nurlan Qylyshbaev qyzmetinen ketti
14:06, 17 Shilde 2023
ASTANA. QazAqparat - Ekologııa jáne tabıǵı resýrstar mınıstrligine qarasty Orman sharýashylyǵy jáne janýarlar dúnıesi komıtetiniń tóraǵasy Nurlan Qylyshbaev qyzmetinen ketti, dep habarlaıdy QazAqparat.
Bul jaıynda komıtettiń resmı Instagram paraqshasynan belgili boldy.
«Búginnen bastap basqa jumysqa aýysýyma baılanysty Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy qyzmetin toqtatamyn. Elimizdiń tabıǵat qorǵaý salasynyń damýyna úles qosý - men úshin úlken abyroı jáne jaýapkershiligi mol qyzmet boldy. Áriptesterime alǵys aıta otyryp, aldaǵy eńbekterine sáttilik tileımin» dep jazdy Nurlan Naýryzuly áleýmettik jelide.
Ol bul qyzmetke 2022 jyly aqpanda taǵaıyndalǵan bolatyn.