Ekologııa mınıstri orman sharýashylyǵy salasynyń qyzmetkerlerin marapattady
QR Ekologııa jáne tabıǵı resýrstar mınıstrligi baspasóz qyzmetiniń habarlaýynsha, elimizde orman sharýashylyǵy qyzmetkerleriniń kúni dástúrli túrde qazan aıynyń úshinshi jeksenbisinde atap ótiledi.
Mınıstr atap ótkendeı, elimizdiń tabıǵaty men ekojúıelerin saqtaýda ormanshylardyń úlesi zor. Olar ormandardy qorǵap, qalpyna keltirip qana qoımaı, bıoalýantúrlilikti saqtap, bolashaq urpaqqa taza aýa men deni saý tabıǵı orta qaldyrýǵa kúsh salyp keledi.
Orman sharýashylyǵyndaǵy jumys úlken kúsh-jigerdi, batyldyq pen janqııarlyqty talap etedi. Ormanshylardyń arqasynda ormandarymyz áli de ásemdigimen, tirshilik kúsh-qýatymen qýanta beredi.
Minsiz eńbegi men mamandyqqa degen adaldyǵy úshin, Qazaqstan Respýblıkasynyń «Eńbek ardageri» medalimen Muratbek Moldashuly Mýjýbaev, Nurjan Tileýjanuly Ysqaq, Erejep Ertaıuly Janataev marapattaldy.
Orman sharýashylyǵy jáne janýarlar dúnıesi komıtetiniń «Eńbek sińirgen orman ósirýshi» qurmetti ataǵymen Munaıtbas Álsherıev, Maqsat Barlybaıuly Jumabekov, Samat Abdollauly Murtazın, Ashat Seıituly Kerteshev, Mahamet Qyrǵyzhanuly Noǵaıbaev, Arkadıı Markovıch Rodıonov, Vıktor Andreevıch Grıbov jáne Bolat Slambaıuly Chejımbaev marapattaldy.
Sharanyń sońynda Mınıstr, bul mereke orman sharýashylyǵymen aınalysatyn adamdar eńbeginiń mańyzdylyǵyn jáne olardyń eldiń orman resýrstaryn qorǵaýǵa jáne qalpyna keltirýge qosqan úlesin atap ótýge arnalǵanyn atap ótip, jınalǵandarǵa jumysta tabyspen qut-bereke tiledi.