Orman órtin erte anyqtaıtyn júıe men balabaqshaǵa tirkeýdiń biryńǵaı bazasy iske qosylady

<p><span style="font-family: sans-serif; font-size: 18px;">Premer-Mınıstr Álıhan Smaıylovtyń tóraǵalyǵymen ótken Tsıfrlandyrýdy engizý máseleleri jónindegi komıssııa otyrysynda orman órtterine qarsy kúres jónindegi jańa sharalar men balabaqshalarǵa kezekke turýdy avtomattandyrý úderisi qaraldy.&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat</a><span style="font-family: sans-serif; font-size: 18px;">&nbsp;bul týraly Úkimettiń&nbsp;</span><a style="padding: 0px; margin: 0px; font-size: 18px; font-family: sans-serif;" href="https://primeminister.kz/kz/news/elimizde-orman-ortterin-erte-anyktau-zhuyesi-men-balabakshaga-esepke-aludyn-biryngay-bazasy-iske-kosylady-25629" target="_blank" rel="noopener">baspasóz qyzmetine</a><span style="font-family: sans-serif; font-size: 18px;">&nbsp;silteme jasap habarlaıdy.</span></p>

Jıynda órt oshaqtaryn der kezinde anyqtaýǵa jáne ýákiletti organdarǵa aqparatty shuǵyl jetkizýge múmkindik beretin orman órtterin erte anyqtaý júıesin iske qosý máselesi talqylandy.

Atap aıtqanda, memlekettik orman qoryn, ulttyq saıabaqtardy, qoryqtardy jáne erekshe qorǵalatyn aımaqtardy táýlik boıǵy vıdeomonıtorıngpen jáne táýelsiz tútin datchıkteri jelisimen qamtý josparlanǵan.

Sondaı-aq ushqyshsyz ushý apparattaryn paıdalaný kózdelgen. Drondar sheshim qabyldaý ortalyǵyn ózekti aqparatpen qamtamasyz etip, órtterdi oqshaýlaý jáne joıý boıynsha is-qımyldardy úılestirýge kómektespek.

Budan bólek otyrysta Prezıdent Qasym-Jomart Toqaevtyń saılaýaldy baǵdarlamasyn iske asyrý sheńberinde ázirlengen Mektepke deıingi uıymdar úshin esepke alýdyń biryńǵaı bazasyn qurý máselesi de talqylandy.

Ony pılottyq rejımde osy jyldyń qazan aıynda iske qosý josparlanyp otyr, al 2024 jyldyń qańtarynan bastap búkil respýblıka boıynsha qoldanylady.

Premer-Mınıstr balabaqshaǵa kezekke qoıý jáne kezekti jyljytý úderisin tolyq tsıfrlandyrý onyń ashyqtyǵyn qamtamasyz etip, sybaılas jemqorlyqtyń aldyn alýǵa múmkindik beretinin atap ótti.