Orman órti saldarynan Shúlbi GES-ine qaýip tóngeni týraly aqparat - jalǵan

ASTANA. QazAqparat - Áleýmettik jelilerde jáne messendjerlerde paıda bolǵan órt Shúlbi GES-ine jaqyndaǵany týraly aqparat shyndyqqa janaspaıdy, dep habarlaıdy QazAqparat QRTótenshe jaǵdaılar mınıstrliginiń baspasóz qyzmetine silteme jasap.

Abaı oblysynyń TJD bastyǵynyń orynbasary Alekseı Shtykel bul qaýesetti joqqa shyǵaryp, qazirgi ýaqytta GES-ke naqty qaýip joq ekenin atap ótti.

«Bul aqparat shyndyqqa janaspaıdy, kúshter men quraldar órttiń taralýyn baqylaıdy», – dep atap ótti Shtykel.

«BAQ pen áleýmettik jelilerdi paıdalana otyryp, kórineý jalǵan aqparat taratqany úshin bas bostandyǵynan aıyrýǵa deıin jaýapkershilik qarastyrylǵanyn eske salamyz. Azamattardy dúrbeleńge túspeýge jáne tek resmı aqparatqa senýge shaqyramyz»,-delingen habarlamada.

Eske salaıyq, azdaǵan ýaqyt buryn Semeı qalasynda jergilikti aýqymda tabıǵı sıpattaǵy tótenshe jaǵdaı rejımi jarııalandy.

Abaı oblysyndaǵy alapat órtke baılanysty Qasym-Jomart Toqaevtyń 11-13 maýsym kúnderi Vetnamǵa josparlanǵan resmı sapary keıinge shegerildi.

Qasym-Jomart Toqaev Úkimetke Abaı oblysyndaǵy órtke qolda bar barlyq resýrstardy jumyldyrýdy tapsyrdy.