Orman órti: Grekııada myńdaǵan adam evakýatsııalandy

NUR-SULTAN. QazAqparat – Orman órti saldarynan Grekııanyń áıgili Evbeıa aralynan 2 myńnan astam adam qaýipsiz jerge kóshirildi. Bul týraly QazAqparat VVS agenttigine silteme jasap habarlaıdy.

Evbeıa aralyndaǵy týrısteri men turǵyndar paromdarmen materıkke qaraı shyǵaryldy. Aralda úıler órtenip, elektr jelileri buzylǵan.

Qazirgi kezde búkil Grekııa boıynsha birneshe orman órti órship tur. Olardy sóndirý operatsııalaryna demalys kúnderi júzdegen órt sóndirýshi, áskerı qyzmetkerler, sondaı-aq 17 ushaq pen tikushaq jumyldyrylǵan.

«Qazirgi kezde bizde órttiń eki oshaǵy bar, olardyń biri eldiń soltústiginde, taǵy biri – ońtústikte. Ókinishtisi, órt túngi ýaqytta órship tur», - dedi Grekııanyń Azamattardy qorǵaý jónindegi mınıstriniń orynbasary Nıkos Hardalıos.

Buǵan deıin orman órtine baılanysty Afıny qalasyndaǵy jaǵdaı jaqsardy. Alaıda jalynnyń qurǵaq jelden qaıta kúsh alý qaýpi bar ekeni eskertilýde. Ótken aptada orman órti Afıny qalasyna jaqyndap, kósheler kózdi ashytatyn tútinge oranǵan edi.