Orman aýmaǵynda demalatyn azamattardyń sanyn shekteý qajet - Smaıylov
«Birinshi, ákimdikter eldi mekenderde órt sóndirý beketteri men erikti órtke qarsy qurylymdardy uıymdastyrý jumysyn jalǵastyrýy qajet. Ekinshi, ekologııa mınıstrligi, jergilikti atqarýshy organdar ótken jylǵy tájirıbeni eskere otyryp, órt qaýpi joǵary jerlerde qosymsha baqylaý beketterin qoıýy tıis», - dedi Úkimet basshysy.
Premer-Mınıstr jaz aılarynda tabıǵat aıasyndaǵy órt qaýipsizdigi erejelerin buzǵany úshin aıyppul salý, sondaı-aq qajet bolǵan jaǵdaıda, orman alqaptary aýmaǵynda demalatyn azamattardyń sanyn shekteý boıynsha zańnamalyq múmkindikti belsendi paıdalaný qajettigin basa aıtty.
«Úshinshi, Tótenshe jaǵdaılar, Aqparat mınıstrlikteri men ákimdikter órt qaýipsizdigi talaptaryn saqtaý máselesi boıynsha halyq arasynda túsindirý jumystaryn kúsheıtýi tıis», - degen Álıhan Smaıylov bul tapsyrmalardy úılestirýdi birinshi orynbasary Roman Sklıarǵa júktedi.