Orynbor qalasynda halyqty jedel evakýatsııalaý bastaldy

<p>ORYNBOR. KAZINFORM &ndash; Qaladaǵy Jaıyq ózenindegi sý deńgeıi qaýipti deńgeıge jaqyndap, saǵat 8:00-de 897 sm-ge jetti. Sý basý qaýpi bar aımaqta júrgen adamdardyń barlyǵy dereý evakýatsııalanýǵa shaqyryldy.&nbsp;</p>

«Saǵat 10:40-ta Orynborda sırena daýysy estildi. Oblys ortalyǵynda tótenshe jaǵdaı rejımi engizildi. Qaladaǵy Jaıyq ózenindegi sý deńgeıi qaýipti deńgeıge jaqyndap, saǵat 08:00-de 897 sm-di qurap otyr, sý basý qaýpi bar aımaqta júrgenderdiń barlyǵy dereý evakýatsııalanýy tıis», - delingen Orynbor merııasy taratqan habarlamada.

Bılik ókilderiniń málimetinshe, sý basý aımaǵynda Jaıyq jáne Sakmara ózenderi alqaptarynda ornalasqan saıajaılar bar: Kýıbyshev atyndaǵy kent aýdanynda ornalasqan baý-baqsha seriktestigi, Protopopovskaıa, Zaýralnaıa toǵaılarynda, Ovchınnaıa qalashyǵy, Dýbkı jáne Dýbovyı Ples, Sakmara ózeni janyndaǵy baý-baqsha seriktestikteri, sondaı-aq Forshtadt aýdandary, Kýznechnyı, Sıttsovka, Prıstantsıonnyı, Zarechnyı, Podmaıachnyı, Solnechnyı kentteri, Ovchınnyı qalashyǵy jáne Kýıbyshev kenti.