Oryn tapshy: Almatyda jataqhana problemasy qalaı sheshilmek

<p>ALMATY. KAZINFORM &mdash; Almatyda 30 myńǵa jýyq stýdentke jatyn oryn qajet. Bul týraly baspasóz máslıhatynda qalalyq Jastar saıasaty basqarmasy basshysynyń mindetin atqarýshy Azız Qajdenbek málim etti.</p>

Spıkerdiń sózinshe, Almaty qalasynda 35 joǵary oqý orny bar, onda 199 myńnan astam stýdent bilim alady, onyń 124 myńy basqa qalalardan kelgen. Bul rette, tósek-oryn tapshylyǵy 28 700.

«Jol kartasy aıasynda 2025 jyldyń sońyna deıin 12 myń tósek-oryn, al 2030 jyldyń aıaǵyna qaraı taǵy 20 myń tósek - oryn qurý josparlanǵan, bul jataqhana tapshylyǵy máselesin tolyǵymen sheshýge múmkindik beredi», - dedi Azız Qajdenbek.

Jataqhana qurylysyn tıimdi úılestirý úshin 2023 jyldyń naýryz aıynda jobalyq keńse iske qosyldy.

Osy ýaqytqa deıin jobalyq keńsege 120 áleýetti ınvestor júgingen.

«Memleket basshysynyń tapsyrmasy boıynsha Almaty jáne Astana qalalaryndaǵy stýdenttik jataqhanalarǵa arnalǵan ǵımarattardy qaıta jańartý kezinde memlekettik tapsyrystyń kólemin jylyna bir tósek-oryn úshin 92 AEK-ten 184 AEK-ke deıin 6 jyl ishinde ulǵaıtý jumystary júrgizilip jatyr. 2024 jyly 5 752 tósek-orynǵa arnalǵan 11 nysandy paıdalanýǵa berý kózdelgen. Onyń ishinde 1200 tósek-orynǵa arnalǵan 4 nysan tamyz aıynda iske qosylady», - dedi ol.