Orfandyq syrqaty bar balalarǵa arnalǵan tegin dári-dármekter tizimi keńeıtiledi – Ajar Ǵınııat

NUR-SULTAN. QazAqparat – QR Densaýlyq saqtaý mınıstri Ajar Ǵınııat vedomstvonyń keńeıtilgen alqa otyrysynda 2022 jyly orfandyq aýrýlardy emdeýge arnalǵan dárilik zattardyń tizbesi keńeıtiletinin aıtty, dep habarlaıdy QazAqparat tilshisi.

«2022 jyly orfandyq syrqaty bar balalardy emdeýge arnalǵan dárilik zattardyń tizbesi keńeıtiledi, Osylaısha, orfandyq aýrýlar men olardy emdeýge arnalǵan dárilik zattar tizbesine 5 jańa aýrý jáne 19 jańa dárilik preparat engizildi. Sonymen qatar, tirkelmegen dárilik zattardy satyp alý máselesi de sheshimin tabýda. Buǵan deıin Kodekstiń 246-babyna sáıkes, jergilikti bıýdjet qarajaty esebinen qazaqstandyq ulttyq formýlıarǵa engizilgen dári-dármekter satyp alynýy múmkin edi. Bul tirkelmegen dárilik zattardy jergilikti bıýdjet esebinen satyp alýdy shektedi», - dep túsindirdi vedomstvo basshysy.

Osyǵan baılanysty, mınıstrlik «Halyq densaýlyǵy jáne densaýlyq saqtaý júıesi týraly» kodekske ózgerister ázirlegen kórinedi

«Ol ózgerister boıynsha, Qazaqstan ulttyq formýlıarynda preparattardyń mindetti túrde bolýy jónindegi norma alynyp tastaldy», - dedi mınıstr.