«Orel ı reshka»: Mańǵystaý óńiri Ýkraına telearnasynan kórsetildi

AQTAÝ. QazAqparat – Mańǵystaý ǵajaıyptary: «Orel ı reshka» baǵdarlamasynyń jańa shyǵarylymy Ýkraınanyń «Novyı kanal» telearnasynan kórsetildi, dep habarlaıdy QazAqparat.

Tanymal telebaǵdarlamanyń júrgizýshileri Anton Zaıtsev pen Vasılısa Hvostova Mańǵystaýǵa keledi. Olar aldymen Aqtaý halyqaralyq áýejaıynda tıyn tastap tańdaý jasaıdy. Dástúr boıynsha, júrgizýshiler saıahatta «Altyn kartany» kim qoldanatynyn jáne 100 dollarǵa kim demalys ótkizetinin anyqtaıdy. Baǵdarlamanyń bul shyǵarylymynda Vasılısa Hvostovanyń joly bolmady.

Ol Mańǵystaýdaǵy demalysyn 100 dollarǵa ǵana esepteıdi. Al, Anton Zaıtsev «Altyn kartany» ıemdenedi. Osylaısha, olar oblys ortalyǵy - Aqtaýǵa jol tartady.

Júrgizýshiler Mańǵystaýdyń tabıǵatyn túsirip, óńir turǵyndarynyń ózine tán qasıetterin kórsetedi. Sondaı-aq, teńiz jaǵasyndaǵy úıdiń tóbesinde ornalasqan maıak jaıynda aıtady. «Melovaıa» maıagi - kópke tanys. Teńiz deńgeıinen 71 metr bıiktikte ornalasqan munara -álemdegi sanaýly nysannyń biri. Kaspıı teńizi, «Bozjyra» shatqaly men Kógezge barǵandaryn ańǵarýǵa bolady.

Buǵan deıin «Orel ı Reshka» Mańǵystaý óńirinde: Shyǵarylymdy qaıdan kórýge bolatynyn jazdyq.

Al, ýkraınalyq «Novyı kanal» telearnasynda jaryq kórgen baǵdarlamanyń tolyq nusqasyn myna jerden kóre alasyzdar.