«Ordabasy» jetinshi oıyn qatarynan jeńiske jetti

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginde shymkenttik «Ordabasy» jetinshi oıyn qatarynan jeńiske jetti, dep habarlaıdy QazAqparat tilshisi.

Búgin 14-týrda shymkenttik klýb óz alańynda Pavlodar oblysynyń «Aqsý» komandasymen kezdesti.

Oıyn barysynda komanda qatarynan Temirlan Erlanov - 45, Vladıslav Sadovskıı 58-mınýtta mergendik tanytty.

Osylaısha «Ordabasy» qatarynan jetinshi márte jeńiske jetti. Týrnır kestesinde ekinshi orynǵa jaıǵasty.

Sondaı-aq, atalǵan týrdaǵy taǵy bir kezdesýde «Tobyl» (Qostanaı) «Atyraýdy» 1:0 esebimen jeńdi.

Atalǵan týrda «Maqtaaral» «Aqtóbeden» - 1:2, «Jetisý» «Shahterden» - 1:3, «Qaısar» «Oqjetpesten» - 0:1 esebimen jeńildi.

Oǵan qosa 13-týrdyń keıinge qaldyrylǵan oıynynda «Astana» «Kaspııdi», «Qyzyljar» «Qaıratty» 2:1 esebimen tize búktirdi.

Endi 15-týr oıyndary 15 jáne 16 shilde kúnderi ótedi.