«Ordabasy» premer-lıgada ekinshi orynǵa kóterildi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 10-týry máresine jetti, dep habarlaıdy QazAqparat tilshisi.

Atalǵan týrdy «Ordabasy» (Shymkent) men «Oqjetpes» (Kókshetaý) komandalary túıindedi.

Shymkenttik klýb sońǵy oıyndarda jaqsy nátıjege jetip keledi. Sol arqyly týrnır kestesindegi jaǵdaıyn túzep aldy.

Búgingi kezdesýde alǵashqy mınýttan olar jeńiske jetý jolyn izdedi. Dese de olarǵa kókshetaýlyq klýb laıyqty qarsylyq kórsete bildi.

Kezdesý taǵdyryn «Ordabasy» sapynan Aýro Alvaro da Krýs Jýnıor 32-mınýtta soqqan jalǵyz gol sheshti.

Osylaısha shymkenttik klýb qarsylasynan 1:0 esebimen basym túsip, týrnır kestesinde tórtinshi orynǵa kóterildi.

Aıta ketsek, budan buryn «Tobyl» «Maqtaraldan» 1:0 esebimen basym tústi.

Sondaı-aq, «Qaısar» syrt alańda «Qaıratty» jeńdi.

Eske salsaq, 20 mamyrda «Jetisý» óz alańynda «Atyraýdan» 0:3 esebimen jeńildi.

Al «Shahter» «Aqsýdy» - 2:1, «Astana» «Qyzyljardy» 3:2 esebimen tize búktirdi.

Endi 11-týr oıyndary 27 jáne 28 mamyrda ótkiziledi.