«Ordabasy» komandasy «Qaısardy» iri eseppen jeńdi

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 8-týrynda «Ordabasy» «Qaısardan» basym tústi, dep habarlaıdy QazAqparat tilshisi.

Kezdesý barysynda alań ıeleriniń basymdyǵy baıqalyp turdy. Oıynnyń birinshi kezeńinde, 37-mınýtynda «Ordabasy» sapynan Ashat Taǵybergen kózdegen nysanadan múlt ketken joq.

Ekinshi kezeńde alań ıeleri sapynan Bobýr Abýhalıkov 52, Temirlan Erlanov 76-mınýtta gol soqsa, 92-mınýtta Aıbar Jaqsylyqov qorytyndy esepti belgiledi.

Osylaısha, «Ordabasy» qarsylasynan 4:0 esebimen basym tústi.

Aıta ketsek, búgin «Tobyl» óz alańynda «Qaıratqa» jol berdi.

Sondaı-aq, «Astana» komandasy «Maqtaraldan» basym tústi.

Al, 7 mamyrda «Jetisý» (Taldyqorǵan) men «Oqjetpes» (Kókshetaý), «Kaspıı» (Aqtaý) men «Atyraý», «Shahter» (Qaraǵandy) men «Qyzyljar» (Petropavl) komandalary oınaıdy.