Ordabasy aýdanynda kúsh atasy Qajymuqanǵa arnalyp úlken keshen turǵyzylmaq
Batys Qytaı – Batys Eýropa halyqaralyq kólik dálizi boıynan boı kóteretin keshenge Temirlan aýylyndaǵy mýzeı kóshirilip, 5 gektardy quraıtyn aýmaq týrıstik orynǵa aınalady.
Túrkistan oblysynyń ákimi Ómirzaq Shókeevtiń tóraǵalyǵymen ótken lezdemelik májilistiń kún tártibinde Túrkistan qalasyn damytý men sport jáne týrızm salalarynda atqarylǵan jumystar jáne 2021 jylǵa jospary men ózekti máseleleri ortaǵa salyndy.
Qazaq dalasy batyrynyń atyna salynatyn memorıaldyq keshen zamanaýı úlgide salynatyn nysanda kitaphana, kórme zaly, qonaq úı, ashana, konferents zaly, sport zaly, sportshylardyń kıim aýystyrýǵa, jýynýǵa arnalǵan jáne basqa da qajetti bólmelermen qamtylmaq. Ǵımarat aýmaǵy jasyl-jelekke oranyp, demalys ornyna aınalady. Sporttyń birneshe túrimen shuǵyldanýǵa laıyqty keshen túrli deńgeıdegi jarystardy ótkizýge de yńǵaıly bolmaq. Sondaı-aq, aldaǵy kóktemde dástúrli qazaq kúresinen halyqaralyq jarystar uıymdastyrylady.