Ordabasy aýdanynda beton shyǵaratyn zaýyttyń irgetasy qalandy
«RZN» JShS jobaǵa shamamen 8 mlrd teńge ınvestıtsııa salýdy josparlaýda. Zaýyt táýligine 1000 danaǵa deıingi avtoklavty uıaly beton shyǵarady. Óndiris ornynda 150 jumys orny ashylady. Atalǵan sharaǵa Túrkistan oblysy ákiminiń orynbasary Meıirjan Myrzalıev pen Ordabasy aýdanynyń ákimi Nurbol Turashbekov qatysty.
Bıyl «Indýstrııalandyrý kartasy» aıasynda taǵy úsh joba iske qosylyp, 300-den astam jańa jumys ornyn ashý kózdelgen. Atap aıtsaq, «Standart Petroleum & Co» JShS-niń munaı-hımııa óńdeý jobasynyń qýattylyǵy jylyna 1 mln tonna. Jobanyń jalpy quny – 24 mlrd teńge. 200 adam jumys ornymen qamtylady. «NA Constraction» JShS-niń jańa tehnologııaly qysh zaýyty jobasy. Jalpy quny 2,6 mlrd teńge 100 jumys ornymen. «Aleksandrovskıı sad» JShS-niń kókónis saqtaý qoımasy. Jalpy quny 8 mlrd teńge.
Jalpy, Qazaqstanda gaz blogyna ortasha jyldyq qajettilik 3,6 mıllıon tekshe metrdi quraıdy. Elimizde mundaı 10 óndiris orny jumys isteıdi. Al, Túrkistan oblysynda bul – osy tıptegi alǵashqy joba.
«Osy ónimderdiń jetispeý máselesi Maqtaaral óńirindegi qalpyna keltirý jumystary kezinde jáne Túrkistan qalasyndaǵy aýqymdy qurylystar barysynda baıqaldy. Túrkistan aımaǵyndaǵy qolaıly ınvestıtsııalyq ahýal bizge eń jaqsy ınvestorlardy tartýǵa múmkindik beredi. Muny statıstıka da dáleldep otyr. Ótken jyly Túrkistan oblysy kásipkerlikti júrgizý boıynsha birinshi orynǵa shyqty jáne negizgi kapıtalǵa salynǵan ınvestıtsııanyń ósimi boıynsha kóshbasshy boldy», – deıdi Túrkistan oblysy ákiminiń orynbasary Meıirjan Myrzalıev.
Soltústik Qazaqstan oblysynan kelgen ınvestorǵa jobanyń barlyq kezeńderinde jan-jaqty qoldaý kórsetildi. Nátıjesinde, bıyldyń ózinde aımaqtyq qurylys ındýstrııasy jergilikti óndiristegi avtoklavtalǵan uıaly beton úlestiredi.