Ordabasyda 600-ge jýyq adamdy jumyspen qamtıtyn 2 ınvestıtsııalyq joba júzege asyrylady
Aldaǵy ýaqytta, aýdanda «Exclusive Story Montazh» kompanııasynyń qorǵasyn zaýytyn qurý jobasy arqyly 500 jańa jumys ornyn ashý kózdelip otyr. Investıtsııalyq quny 5 mlrd teńgege baǵalanyp otyrǵan joba arqasynda óńirdegi jumyssyz azamattardyń sany birshama azaımaq. Sonymen qatar, «ıÝgStroıTehnologııa» kompanııasynyń gaz-beton bloktaryn shyǵarý jobasy arqyly da taǵy 80 azamat turaqty jumyspen qamtylady. Investıtsııalyq quny 1,2 mlrd teńge.
«Investorlardy óńirimizdiń damýyna yqpal etýge shaqyramyn. Kelisim eki jaqqa da tıimdi bolady dep senemin. Atalǵan eki zaýyt arqyly aýdanymyzdyń 600-ge jýyq turǵyny turaqty jumyspen qamtylatyn bolady. Óńirge ınvestıtsııalyq jobalardy tartý jumystary jalǵasady»- dedi Azat Oralbaev.
Budan bólek, Ordabasy aýdany Badam ındýstrıaldy aımaǵynda qurylys ındýstrııasy salasynda jańa ınvestıtsııalyq jobalardyń qurylysy bastaldy. Atap aıtar bolsaq, «Badam» ındýstrııaldy aımaǵynda «Bereke Kaz-Enginerig» kompanııasynyń temir-beton konstrýktsııalaryn shyǵarý zaýytynyń qurylys montajdaý jumystary iske qosyldy. Jobanyń ınvestıtsııalyq quny 1mlrd. 500 mln. teńgeni. quraıdy, al óndiristik qýaty jylyna 20 myń tekshe metr. Joba tolyqtaı iske asqan kezde 44 adamdy jumyspen qamtylatyn bolady.
Al, «Steel Frame» kompanııasynyń metall ónimderin óndirý jobasynyń quny 300 mln. teńge. Negizgi qondyrǵy jabdyqtary Qytaı tehnologııasy. Ódiristtik qýaty jylyna 1000 tonnany quraıtyn joba iske qosylǵan ýaqytta 25 adam jumyspen qamtylady.
«RZN» avtoklabtalǵan gazoblok buıymdaryn óndirý jobasynyń ınvestıtsııalyq quny 1 mlrd. 500 mln. teńgeni quraıdy. Negizgi qondyrǵy jabdyqtary Qytaı tehnologııasy. Ol tabıǵı materıaldardan sý jáne keýekti túzetin qospalardy qosyp, keıinnen avtoklavtarda shıkizatty termııalyq óńdeýden ótkizedi. Joba iske qosylǵan ýaqytta 25 adamdy jumyspen qamtý josparlanýda.
Jalpy atalǵan zaýyttar iske qosylǵan kezde 100-ge tarta adam jumyspen qamtylatyn bolady.