«Ordabasy» syrt alańda «Jetisýdy» jeńip, chempıondyqqa jaqyndaı tústi

<p>Búgin fýtboldan premer-lıga komandalary arasyndaǵy el birinshiliginiń 24-týrynda shymkenttik &laquo;Ordabasy&raquo; syrt alańda &laquo;Jetisýdy&raquo; jeńip, chempıondyqqa jaqyndaı tústi, dep habarlaıdy <a href="https://kaz.inform.kz/" target="_blank" rel="noopener">QazAqparat tilshisi.</a></p>

Shymkenttik «Ordabasy» óz tarıhynda alǵash ret chempıondyq ataqqa qol jetkizýge jaqyn tur. Basty qarsylasy - elordalyq «Astana» 30 qyrkúıekte syrt alańda «Aqtóbeden» 0:2 esebimen jeńilip qalǵan edi.

Bul «Ordabasynyń» chempıondyqqa bir taban jaqyndaýyna múmkindigin arttyrdy. Sondyqtan búgingi kezdesýde olar jeńiske jetýge bar kúshin salatyny anyq edi.
Komandalar alǵashqy kezeńde bir-biriniń qaqpasyna gol soǵa alǵan joq. Oıynnyń 55-mınýtynda «Ordabasy» sapynan Artem Besedın mergendik tanytsa, 64-mınýtta Temirlan Erlanov esepti ústemeleı tústi. Oǵan «Jetisý» sapynan Іlııas Ámirseıitov 79-mınýttan bir golmen jaýap qaıyrdy.

Osylaısha «Ordabasy» qarsylasynan 2:1 esebimen basym túsip, chempıondyqqa jaqyndaı tústi. Endi olar aldaǵy oıynda bir upaı alsa, jeńimpaz tuǵyrynan kórinedi.

Aıta ketsek, 30 qyrkúıekte taǵy bir kezdesýde «Shahter» «Tobyldy» 2:1 esebimen jeńdi. Sondaı-aq, búgin óz alańynda «Aqsý» «Qaısardy» 2:0 esebimen jeńse, «Qyzyljar» «Oqjetpeske» 1:2 esebimen ese jiberdi.

Atalǵan týrda búgin alǵashqy kezeńnen keıin «Kaspıı» «Qaıratty» 1:0, «Atyraý» «Maqtaraldy» 2:0 esebimen jeńip jatyr.