«Ordabasy» óz alańynda «Tobyldan» basym tústi

<p>ASTANA. KAZINFORM - Fýtboldan Qazaqstan Premer-lıgasynyń VIII týryn &laquo;Ordabasy&raquo; (Shymkent) men &laquo;Tobyl&raquo; (Qostanaı) komandalary túıindedi.</p>

Qostanaılyq klýb atalǵan týrǵa deıin birde-bir oıynda jeńilgen joq edi. Alty kezdesýdiń úsheýinde jeńiske jetip, úsheýinde teń túsken bolatyn. 

Oıyn barysynda komandalar bir-biriniń qaqpasyna jıi shabýyldady. Dese de alǵashqy jıyrma mınýtta tablodaǵy esep ózgerissiz qaldy.

«Ordabasy» sapynan Artem Besedın 21-mınýtta kózdegen nysanadan múlt ketken joq. Budan keıin qostanaılyq klýb tarazy basyn teńestirýge umtyldy. Soǵan qaramastan óz maqsatyna jete almady.

Ekinshi kezeńde oıyn barysynda eshqandaı ózgeris tirkelmedi.

Osylaısha «Ordabasy» qarsylasyn 1:0 esebimen jeńip, týrnır kestesinde besinshi orynǵa kóterildi. 

Aıta ketsek, buǵan deıin 11 mamyrda «Jetisý» syrt alańda «Turandy» 3:2, «Aqtóbe» «Qyzyljardy» 2:0, «Elimaı» óz alańynda «Shahterdi» 2:1 esebimen jeńip ketti.

Sondaı-aq, búgin «Qaırat» «Jeńisti» 2:0 esebimen tize búktirse, «Astana» men «Qaısar» 1:1 esebine qanaǵat bildirdi.