Orazkúl Asanǵazy aldaǵy oqý jylyn jańasha bastaýdy usyndy
«Elbasy Nursultan Nazarbaev Qazaqstan halqy Assambleıasynyń otyrysynda «2020 jyly mektep oqýshylary 100 paıyz qazaq tilin meńgeredi» degen edi. Eshkimdi synaýdan aýlaqpyn. Alaıda, osy «dóńgelek ústelge» Bilim jáne ǵylym mınıstrliginen kelip otyrǵan ókilge ótinish: aldaǵy oqý jylyn jańasha bastasańyzdar. Aralas mektepterdi qazaq mektepterine aınaldyrý úshin ne istedińizder? Qoǵamdaǵy «qazaq mektebindegi balalardyń bilimi tómen» degen túsiniktiń jalǵan ekenin anyq bilemin. Mysaly elordadaǵy «Daryn» mektebin bitirgen 45 balanyń 43-i grantqa tústi. Nege biz osyny aıtpaımyz?», - dep saýal tastady Orazkúl Asanǵazy «Otbasy kúni» aıasynda ulttyq tárbıe berý men otbasy qundylyqtaryn damytý máseleleri talqylanǵan dóńgelek ústel otyrysynda.
Onyń aıtýynsha, elordada osydan birneshe jyl buryn 14 kórsetkish boıynsha astanadaǵy úzdik 10 mektep anyqtalǵan. Sol bilim ordalarynyń toǵyzy – qazaq mektepteri bolyp shyqty.
«Nege bilim basqarmalary osy kórsetkishterdi gazetterge jazbaıdy, nasıhattamaıdy? Qazaq tilin nasıhattaý baǵytynda da qazaq gazetteri ondaǵan materıal jarııalasa, orys tilindegi basylymdar bir-ekeýden aspaıdy. Sovet ókimeti aqymaq bolǵan joq. Almatyda, Shymkentte jáne Tselınogradta bir ǵana qazaq mektepten bolǵan. Maqul, qalanyń tórt buryshyna tórt orys mektebin qaldyraıyq ta, qalǵanynyń bárin qazaq mektepteri etý kerek. Ol úshin mektepter ata-analarmen jumys isteýi tıis. «Bári otbasyna baılanysty» deımiz. Biraq otbasyny, adamdy kim tárbıeleıdi? Ustaz! Ustaz óziniń biliminiń joǵary ekenin ata-ananyń aldynda dáleldeýi tıis. Qazaq tiliniń ultaralyq tilge aınalýy úshin birde-bir qadam jasamaı otyrǵan mektepter bar. 50 topta birde-bir qazaq toby joq kolledjder bar. Sondyqtan Bilim jáne ǵylym mınıstrliginen ótinip suraıtynym: tildi jolǵa qoıý úshin tıisti buıryq shyǵarý kerek. Orystildi de, aralas mekteptiń de dırektory qazaqsha bilýi kerek. Baıaǵyda bizdiń tusta oryssha bilmegen adamǵa qyzmet bermeı qoıǵan. Sondyqtan orys mektepterin aralas, al aralas mektepterdi qazaq mektepterine aınaldyrýymyz kerek», - dep pikirin bildirdi qoǵam qaıratkeri.