Orazany uıqymen ótkizseń, saýabyn «túsińde» kóresiń – Nurlan ımam

<p>ASTANA. KAZINFORM &ndash; Aılardyń sultany qasıetti Ramazanda JIBEK JOLY telearnasynda &laquo;Oraza qabyl bolsyn&raquo; tikeleı efıri kóremenge jol tartty. Dintanýshy Nurlan Baıjigituly &laquo;otyz kún orazadaǵy otyz amalǵa&raquo; toqtalyp, kórermenniń san túrli saýalyna jaýap beredi.&nbsp;</p>

Oraza ustap, aýyz bekitý tóńireginde eldi tolǵandyrǵan saýal kóp. Bul joly dintanýshy «Ramazan – ǵıbadat aıy» taqyrybyn keńinen talqylady. 

«Ramazan aıy men orazanyń qasıeti jaıynda halyq ne biledi?», «Ramazannyń bolmysyn qandaı áreketter buzady?», «Orazanyń basty qundylyǵy nede?» degen saýaldar tóńireginde áńgime órbitti. Ár suraqqa ómirlik mysaldardy keltire otyryp jaýap berdi. Ásirese, ýaqytty baǵalamaı, ýaqytty bos ótkizýdiń zııany týraly aıtty. Bul aıda kompıýterlik oıyndar oınap, san túrli serıaldar kórý Ramazannyń qadirin ketiretinin tilge tıek etti. 

Al, Oraza ustaǵan adam ýaqytyn uıqymen ótkizse, saýabynyń az bolatynyn «Orazany uıqymen ótkizseń, saýabyn «túsińde» kóresiń» degen ádemi ázilmen jetkizdi. Sondaı-aq dintaýnshy orazada tamaqty kóp oılaý, kúni boıyna «aýyzasharǵa ne daıyndaımyn» degen oıǵa berilý, soǵan ýaqytyn jumsaý jáne «tamaqty kóptep jesem, erteń qarnym ashpaıdy» degen jańsaq oımen shamadan tys tamaqtaný da Orazanyń baǵasyn túsiretinin aıtty.