Oraza kezinde jaqyn mańda turatyn týystyń úıine aýyzasharǵa barýǵa bola ma

NUR-SULTAN. QazAqparat – Oraza kezinde jaqyn mańda turatyn týystyń úıine aýyzasharǵa barýǵa bola ma? Ortalyq kommýnıkatsııalar qyzmeti alańynda ótken bıylǵy Ramazan aıyna qatysty málimetter boıynsha baspasóz konferentsııasynda osy suraq qoıyldy, dep habarlaıdy QazAqparat tilshisi.

«Bul jóninde ótkende aıtylǵan úndeýimizde keńes bergen bolatynbyz. Barshamyz jaqyndarymyzdy, kórshilerimizdi úıge shaqyrǵymyz keletinin túsinemiz, biraq ózimizdiń, aǵaıyn týystyń, kórshilerimizdiń amandyǵy úshin myna tótenshe jaǵdaıda karantın talaptaryn oryndaýǵa shaqyramyz. Qazir sabyr etip, oqshaýlanaıyq. Bári jaqsy kezde bir-birimizdi qonaqqa shaqyramyz», - deıdi QMDB Tóraǵasy, Bas múftı Naýryzbaı qajy Taǵanuly.

Buǵan deıin Bas múftı Muqtaj otbasylarǵa aýyzasharǵa ketetin qarjyny aýdarý arqyly kómek kórsetýge bolatyny týraly aıtty.